You are here討論區 / 早產及0 - 2 個月寶寶 / 好似已經回奶但唔想放棄
好似已經回奶但唔想放棄
我都有過呢個階段,千萬不可放棄,要相信自己,密密喂密密喂,一定可以追到!
呢位媽媽,其實你好叻!好不幸中間有咁多波折,但你都仲努力餵哺,絕對對得住自己。
其實BB仲細,好多嘢仲可能有得掹,但係要用啱方法。不如俾幾個意見你,試試先。
所謂通乳腺其實係刺激身體做奶。到BB一出世,胎盤一脫離,媽媽身體就收到第一個信息話要做奶。然後係要靠BB埋身啜奶,或者如果種種原因埋唔到身的話,要靠泵奶,將乳腺產生嘅奶取出,咁身體先知要開行摩打努力做奶,同埋要做幾多奶。
1. 上奶最好的方法係俾BB埋身密密啜。可能BB已經習慣奶嘴,但BB仲細,可以慢慢試下再埋身。當BB唔係太肚餓時,放鬆心情,脫去上衣,俾BB在你乳頭附近感受一下溫暖同聞下奶味,再用手指按摩乳頭,使乳頭略為凸出時,馬上放嬰兒上乳房嘗試吸吮。慢慢每日試下,就算唔得,至少都算係親子時間吖。
“乳頭平坦或下陷,可否成功餵哺?” http://www.breastfeeding.org.hk/faq/33
“當寶寶拒絕含上乳房 ”
http://www.breastfeeding.org.hk/book/173
2. 若果仲係唔成功,咁繼續努力維持並增加奶量。密啲泵或擠奶,放鬆心情,盡量引奶陣。平日盡量吃得好、休息多,因為產奶需要力氣,而訓覺時產奶最快。
“如何增加奶量”
http://www.breastfeeding.org.hk/faq/43
“引奶陣心得”
http://tw.myblog.yahoo.com/beety-lin/article?mid=1503
其實你俾到幾多母乳小朋友唔係最緊要,最重要係你已盡力。有時身邊的人係善意支持,但其實母乳媽媽最想聽到的係解決哺乳問題的方案,而非“你努力啲實得啦”或者“咪轉奶粉囉”。你有問題,多啲上來問、到健康院搵姑娘幫手、或者搵母乳顧問。
世事豈能盡如人意,但求無愧於心。加油!
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
我一直想餵人奶,臨生前幾忙都去聽人奶講座,到突然早產,先知未通乳線,喺醫院bb埋咗身又冇得食,個心急bb即爆喊,幾次都係咁,之後甚至一抱起埋身就喊,幾個姑娘幫手都唔得,仲以為冇奶去飲上奶湯。結果石頭胸痛住出院。及后又俾陪月阿姨老點,用超熱滾水敷又大力按,搞到乳頭脫皮個胸都係冇通,仲痛啲添。之後去健康院,俾醫生睇埋佢話bb已經唔肯埋身,我個乳頭又超短小,bb好難食,我只能用揼。
依家3個星期,每次只揼到30ml左右,仲越來越少,我已經好乖食好多上奶嘢,都冇幫助。身邊所有人都勸我放棄,even老公,因為我好內疚,好似欠咗阿仔,搞到心情好差,加上總有人話我呢啲係我唔努力做成,好大壓力,放棄不放棄?