解決夜奶的困擾
我都有相同的問題.. 我BB 22 個月.. 都是好喜歡吃母乳.
我是全職工作,BB 會在早上及我放工回來吃母乳.. 晚上會起幾次身吃母乳.我都好想講""""我都好耐無訓過好覺啦""""" 就連返 night 都返唔到。
現在BB's body weight 得9.3KG, 低過成長曲線3個百分比... 我都唔佢夠唔夠營養???? 他不大喜歡吃,每餐都要用好多時間.. 才吃完。他現在咁大個仔、理應自己食,試過比佢自己食..他就玩食物多過食...
好難呀... 是否喂母乳令佢唔喜歡食其他食物?如果停餵,又怕佢連母乳都無都飲、仲瘦過之前.. 真是唔知停好定唔停好???
好的. 謝謝您的鼓勵! 我會再努力的.
兩歲大的寶寶仍有媽媽奶享用,真的好幸福,為妳鼓掌!
想妳應該是在職媽媽,寶寶希望在妳回到家時多爭取飲奶機會,是他的內心需要藉此補償母愛啊。有了這種理解後,或許會體諒寶寶多一點。
當然媽媽的休息也是很實在的問題,可以嘗試慢慢調整飲奶時間,在睡前、醒來和飯後這些指定時間才給奶,其他時間就以堅定溫柔的語調拒絕給奶,這個年紀相信會很快明白的。
另,餵夜奶是奶量的保證,我常叫母乳媽媽不要輕易戒夜奶。如果想夜晚餵得輕鬆些,可以考慮與寶寶同房,或更好是同床睡。我的經驗是寶寶初生已開始同睡,晚間他多次要飲奶都不會打擾到我的睡眠。
母乳最好,最自然
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
全職媽媽可以餵到差唔多兩歲,真係好叻!
咁嘅歲數小朋友吃夜奶唔止係營養上嘅需要,更多係想投入媽咪嘅懷抱。尤其當你白天要返工,其實餵夜奶既可以俾你同寶寶多啲親密接觸,更可以幫你維持奶量。至於睡眠質素,的確係一個問題。有啲媽咪(比如我自己)就選擇同小朋友同房或者同床瞓,將起身餵奶嘅步驟減到最少。
成長曲線只係一個參考。只要小朋友玩得、瞓得,身體健康,體重唔需要太擔心。其實進食對小朋友來講都係一個學習嘅機會,佢玩食物係一個探索嘅過程。尤其喺屋企食飯嘅時候可以試下俾佢同大人同枱食飯,觀察大人進食嘅情況,同時教佢自己處理食物,玩多幾次就會跟大人手勢自己食嘢。另外小朋友體力消耗大,可以多啲喺餐與餐之間俾多啲有營養嘅零食,慢慢就會吃多啲固體。
根據你所形容,其實小朋友飲奶嘅量已經比較少,應該唔足以影響佢日頭嘅胃口。母乳仲係有營養及同樣有保護抗體、活細胞等,對小朋友非常有益。不如你試下幫小朋友建立良好嘅飲食習慣,再輔以母乳,咁就唔使擔心小朋友嘅營養吸收。
餵到咁大真係唔容易。繼續餵嘅日子唔多,要好好珍惜呀!努力!