餵人奶對修身有無幫助?!

好有趣，大家都好concern增磅問題！其實餵人奶的確有助減磅，但懷胎十月我地慢慢肥，到生左之後要瘦，都要一定的時間，需要慢慢起碼九個月十個月時間咁，因為始終所增的磅數是有助保持足夠的儲備比BB。而且頭一年人奶是BB主食,如果媽媽急於減磅而節食便可能有影响。
不過雖然咁講，我生第一個後重左十幾廿磅瘦吾翻，但到生第二個時，就曾經由高位瘦左38磅，瘦翻晒不等止，重瘦過結婚前，其實真係吾係好事，只因揍兩個真係太辛苦，又請吾到好工人！
依家肥翻D,反而好Ｄ。

我都係瘦唔番嗰隻。我未生之前係細至中碼，最高峰時係雙加大碼，依家好d，大碼就ok啦。

我諗都係怪自己冇運動啫，同埋我覺得時間同壓力有時都會令人肥的。

我冇工人，屋企洗衫、煮飯、揍仔乜都係我，我仲有d part-time job做吓，所以個仔細嗰時真係好唔得閒，嗰時真係一d都瘦唔倒，仲要周不時水腫。但係依家個仔返學啦，有幾個鐘自己時間，咁就開始有d起色啦。

餵人奶辛苦d, 及製奶過程會消耗卡路里, 所以對修身有幫助. 不過, 我自己都係瘦唔到果隻, 可能年紀問題, 新陳代謝慢, 最終都係靠自己運動, 加飲食控制, 才可以減到肥.

講真, 減肥係持久戰, 亦無任何shortcut, 想瘦, 就要付出,運動+節食, 總之intake少過output (即食少d), 或output大過intake (即運動). 如自己係lazy唔做運動果隻, 建議參加fitness club跟教練做, 比左錢自然會迫到自己去做 (呢招我就work, 因最怕自己蝕底~~)

另, 建議不用生完即刻減肥, 因餵奶已經好忙, 等bb大d先至諗自己個外表啦.

"Volunteers don't get paid, not because they're worthless, but because they're priceless!" - Sherry Anderson