You are here討論區 / 早產及0 - 2 個月寶寶 / 還可以追回奶量嗎?
還可以追回奶量嗎?
2014/05/05/ - 17:00
#1
你好,
睇得到你面對好大壓力,亦好努力去為BB追奶。
追奶
你好,
睇得到你面對好大壓力,亦好努力去為BB追奶。
追奶其實無論BB幾大都有得追,我地身體係按需要去做,其實媽媽都明白補奶粉係一個惡性循環(補左奶粉佢埋身時間少左、影嚮埋下一餐食奶...)只要你對自己有信心就一定有辦法。
襯而家BB仲肯埋身你盡量埋身,左右輪流,唔夠就轉邊,唔夠又再轉。盡量躺餵爭取時間休息,佢唔訓你放佢起床他自己玩。如果你返工泵到奶,儲奶庫其實只係後備,有幾餐就夠。而且埋身再另外泵出黎奶量唔多係正常架!
其實BB"咀郁郁"都未必係肚餓,其中一個原因係有D埋開身嘅BB,因為埋身食30-45分鐘,但奶樽流量快佢15分鐘就食哂,佢仲想啜其實唔係唔飽。
情緒同壓力絕對會影嚮奶量,同屋企人好好溝通,令佢地明白你唔想補奶粉,佢地都係唔了解咁補奶粉會愈補多,更唔知咁做原來你會唔開心,佢其實都係驚你辛苦、驚BB唔飽。
有時間可以帶埋媽媽黎我地分享小組等佢了解多D,或者部份健康院都有母乳小組架!
你要加油呀!!
Vicky
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
囝囝踏入第八週，第六週開始知道係猛長期，已經比佢密密食，一直去到7週時，發覺好似追唔到奶量，因為囝囝成日口郁郁，瞓唔到，家人又開左奶粉比佢，（5-6安奶，每次都食晒，每日有2-3次）其實我真係唔想比，但係無奈地我好似真係唔夠奶，加上我又唔夠瞓（囝囝每晚都唔瞓，日頭又唔瞓），我已經好唔開心，好攰，又喊過好多次，又要儲奶庫（5月中返工），又儲唔得多，每次泵都係得2-3安。有排都唔夠。呢幾日可能啜少左，發覺奶量又跌左，仲少左奶，變左囝囝食唔夠又要補奶奶，我又更加唔開心，我知情緒差都會影響奶量，但我真係放鬆唔到，家人每次開奶粉，我既信心又跌低一格，我真係唔知要點做? 我仲可以追回奶量嗎?