如何在出生頭三天餵人奶

FatMa妳好，bb出世後，在正常情況下，是完全不必加奶粉或糖水。

寶寶吃百份百份母乳是十分重要的健康保障，在bb出世後，即時最需要的，不是營養，而是初乳中的抗體，每一滴初乳都有無數抗體，比黃金更可貴。在頭兩天都是初乳，份量很少，一滳一滴出來的，到了第三天左右，奶量才開始明顯增加，是正常的過程。

bb一出世，個胃只有一粒波子咁細，bb在頭24小時，一共只要吃30ml，即一安左右母乳，一般每天吃母乳8-12次或更多，即是在頭一天每餐只要吃幾滴至5ml左右。試想那即是一餐一茶匙左右（或更少）。只是那幾滴至幾十滴，妳又點會吾夠呢？

只要頻密餵，半夜也要餵，每日起碼有8次以上，妳一定有足夠奶。相反，如果加了奶粉或糖水，bb自然因此吃少了母乳，不但增加對健康的風險，還會影响奶量，奶量不足的其中一個常見原因，就是不必要地加奶粉。

萬一如有任何情況不能餵奶， 便要即時擠奶或揼奶，再用擠出來的奶補給bb，而不是補奶粉。只有在沒法子擠出奶的情況下，而bb又吃不到乳房，經醫生診斷後，才應補奶粉。

純母乳餵哺的重要性是十分十分高的，可悲是醫院往往不支持，我希望有更多媽媽要求純母乳，終有一天會靠媽媽們的力量去改善。

FatMa您好！

在懷孕期間，乳房會慢慢分泌母乳儲存起來，這些會初乳，顏色是金黃色，質感濃稠，含有豐富的蛋白質和抗體，是嬰兒出世後第一劑保護疫苗。加上嬰兒出世前會在母體內儲備能量，所以初乳量少，但也足夠。

詳細說明的資料請看初乳很少，是否足夠？和專題(一) 母乳產量及首6 個月非純母乳餵哺兒童患病機會率。

只要BB 有足夠的大小便次數(詳細解釋)，可以不用補奶粉，很多時是BB 食奶姿態唔正確，令BB 食唔到足夠的奶水，經過糾正大多會正常番，所以不用擔心唔夠奶。

其次有個good start 也是關鍵，例如產後一小時內餵母乳，然後每兩小時餵一次，因頻繁餵奶是增奶量的關鍵之一，其他詳情請看母乳哺育-正確的開始 Breastfeeding - Starting Out Right。

看過這些資料，希望你可以做出決定吧。

哺乳圍巾，送禮自用皆宜，所有收益撥捐推廣母乳，歡迎選購。

如想成功餵人奶, 請完全忘記人奶以外既任何替代品!!!
人奶有求就有供, BB 啜多D你就會造多D奶, 係必然既~

初生嬰兒既胃仔好細, 好似乒乓球仔咁,
少少初乳就已經裝滿,
不過人奶好易消化, 好快就消化晒,
隔一兩個鐘頭又要再食,
初生 BB 密密餵完又餵, 先至係o岩既~

BB 剛出世, 媽媽所謂"未上奶", 但係有初乳,
初乳份量好少, 不過好珍貴, 有抗體等重要成份,
食其他野就會食少左初乳, 淨係純粹餵初乳已經足夠~

補替代品, 有兩個主要害處:

一, BB 吸啜乳頭既時間, 比佢實際需要食奶既時間少,
你既身體會以為 BB 只係需要咁少奶量,
就唔會造多D黎迎合 BB 實際需要~

二, 胃就好似氣球咁, 你裝多D奶落去, 佢就會漲大D,
食大左個胃, 佢就會大食左,
你既奶量未有佢個胃大得咁快,
繼續落黎要追返佢既食量, 就辛苦喇~

總結: 唔好補任何野, 只要密密埋身餵人奶,
密密餵唔等於唔夠奶, 反而係正常既,
唔好用餵奶粉既標準黎衡量餵人奶既情況~

Alice, 唔該曬!

我就是擔心BB食過奶粉之後唔肯食我d人奶, 咁就痳煩喇!

所以...我都唔知點決定, 醫院姑娘話當我生產後要回覆佢地, 我打算採用
1. 人奶不足後, 補奶粉; 或
2. 人奶不足後, 補萄葡糖水喎

唉! 食萄葡糖水, 我怕BB唔夠營養; 如食奶粉, 我又怕BB跟住唔肯食人奶. 我又無經驗, 我應怎樣決定?

好多媽咪都要3日或以上黎上奶架~
醫院會派支奶~等你試完餵人奶~唔夠再補奶粉