人奶溝奶粉

ecstatic您好！

一般來講，奶粉需要按照罐上的沖調指示去開，切忌自行沖調，因為用水以外的液體沖會令奶粉添加物增加，長期會令BB 腎臟負荷過重。而用60 度熱水沖奶，是因為奶粉在罐內都會有細菌，故此要用熱水開奶，用溫度和時間殺死細菌。

餵母乳方面，BB 唔肯食離口時有無奶水流出？因流量快的特徵是BB一食到有奶，多數係好短時間之內，因吞唔切而發脾氣，如果係食食下奶，約莫五分鐘左右先唔肯食，多數是因為流量不及奶樽快。

如果你想減奶粉的話，需要有恆心和決心持續餵奶，每次堅持先親身餵奶，每次都餵兩邊乳房，甚至可以每邊反覆餵兩次，然後才補奶粉，份量每日減一安。

因為母乳易消化，BB會因此食得比以前密，這是正常反應，而頻繁餵哺亦是增奶量的良方之一，餵得密的話，就可以連泵奶的功夫都慳番，因為餵完奶要有充足休息才有助奶量增加。

哺乳圍巾，送禮自用皆宜，所有收益撥捐推廣母乳，歡迎選購。