BB已經7個星期大，依家仲係半人奶，因為每次埋身餵完(10-20mins)，佢都要食番4安奶粉，減唔到奶粉仲大食左(6餐x4安)。而且我依家奶量多左，佢唔係好慣流量咁快，好多時食一陣就喊，發脾氣唔肯啜，所以我試下轉用奶樽餵。因為每次我最多泵到4安，每日泵3-4次，所以仲要補奶粉。我就想日間全人奶(奶樽)，如果泵完奶後都俾佢埋身啜下，夜晚就全奶粉。不過老公話既然人奶咁容易消化，不如兩溝(先開2安奶粉+2安人奶，溝落同一個樽一次過俾BB飲)，等BB飽啲之餘，又可以提高奶粉的吸收。聽落又好似有啲道理，問過健康院啲姑娘都話分開同溝埋都冇分別。我地試左兩星期，發覺BB勁吸收，已經肥左接近3磅。一方面我開心BB可以咁長肉，但又担心佢會唔會太肥... 唉，真矛盾....