唔夠奶？

Crystal您好！

要叫醒架，約兩三小時一次就ok，因初生BB會爛瞓唔起身食奶。

哺乳圍巾，送禮自用皆宜，所有收益撥捐推廣母乳，歡迎選購。

另外我都想問下，餵奶係應該兩至三個鐘餵一次，定係等BB肚餓到喊先餵？因為我BB訓緊覺嗰時好難叫得醒佢食奶，要好大力彈佢腳板先醒，醒咗都未必肯啜奶，或者好快訓番，咁我要餵人奶就更加困難。係咪應該等佢喊先餵奶？但又怕佢太細個，唔識表達自己肚餓會食唔飽!

多謝大家既回應呀

我BB應該係食慣咗奶樽，所以唔肯埋身食，健康院姑娘教我杯仔餵，佢肚餓嗰時都肯飲下，之但係食咗半安至一安左右之後，佢又唔肯開口喇，平時用奶樽佢都食到兩安士架，我驚佢食唔飽，都係心軟俾番奶樽佢啜，佢先會肯再食多啲

因為好多時埋身餵BB都扭計，食一陣又縮開個頭扭計喊，見到咁我又心軟俾番奶樽佢

而家我都唔知點好呀，泵奶又泵得好少，埋身餵又越嚟越少，奶粉俾得越來越多，但係BB淨係鐘意啜奶樽，我都冇晒佢符呀! 究竟我應唔應該繼續用奶樽補奶呢？但係又驚佢食唔飽! 係咪寧願等佢肚餓再迫佢飲人奶好過餐餐都同佢補奶粉呢?

由於每日母乳是餵大約三餐，母乳量是按需求而來的，需求少，自然感到奶量不足。但如果把需求增加，供應便會相應增加。

要決是要每日慢慢減奶粉的量，以一日減一安作為基本，同時增加吸吮。再看情況減快些或減慢些。

要注意每日有5-6張濕片及。

寶寶在初期，吃母乳一般都會吃得較密，每24小時都有10-12次。

BB埋身餵都喊，可能有好多原因：
1 BB慣左奶咀易流奶，懶左用咀仔吸乳房
可以試下多D俾佢吸啜，咁佢慣番就OK，因為你個BB仲好細
2 媽媽太多奶，「濁」親BB
可以餵之前手擠番D前奶出嚟，再餵BB，但你應該谷奶谷得好辛苦先會係咁
3 BB尿片濕左，或者食奶時腸郁，因人奶B係咁的，易消化嘛，很多人奶B邊食邊屙
若果發覺BB係邊食邊屙型，一見佢扭扭下，就放平佢，停餵奶，開片，睇下佢會唔會屙屎尿，俾佢舒舒服服屙完先餵

我個女係第三種，初時我唔知，仲以為我食錯野BB嫌我D奶怪味。我估好多人奶B都係咁，佢地好多時一食奶，腸仔就郁，有時有風呀，或者便急要賴，都會唔開心或者嫌污糟喊。。。我個女兩星期大已經係咁。。。後來我發覺左，俾佢開片屙（放平佢，用佢用開嘅尿布擋住），佢屙完就好開心咁食。就算佢唔屙，放左D肚風（放屁），佢都會舒服好多，食番奶。佢而家七個月大喇，但自從三個月開始就唔賴大便，因為次次佢便急都望下我，停食奶，我GET到佢想開大，就除片俾佢去完先食。係好麻煩的，尤其是在外邊餵，但BB無尿布疹，同埋而家未講野都識得俾SIGNAL你開大，你就知佢第日戒片戒得好快（有得必有失呀！）

試下邊食一邊泵另一邊，會無咁痛同埋易D出奶。泵奶呢家野，我喺BB兩個月大前試過（但後來費事用，因為睇住刻度係幾大壓力的，BB埋身食其實多過泵出嚟好多架），係有D唔自然，同埋少少痛的，要慢慢適應。但若果好痛，就可能係泵唔太啱自己。泵奶，係慢過手擠奶或者BB自己啜的，多給耐性就OK了。若果唔怕手累，去健康院學擠奶啦，我有個奶媽FD，全擠奶，每次十五分鐘就擠完一餐，BB食到六個月都係咁，泵奶果D見到佢咁，呆哂架！

但若果你BB咁細，你可試下多俾佢埋身啜，泵出嚟的奶先冰左佢，等BB慣左埋身你奶量穩定先再慢慢泵都OK。若果而家要泵，都係邊餵邊泵啦，可以慳到時間休息嘛！

綜合身邊奶媽意見：用咩奶咀都有可能引起乳頭混淆嘅，若果個BB係唔混淆就唔混淆，所以唔關佢用咩奶咀事，係關佢本身鍾唔鍾意用奶咀飲奶啫。好多BB過左兩星期大都會識分，問題係佢地鍾唔鍾意分啫，若果你想長少少時間餵人奶，就多少少埋身，到臨返工前一個月先慢慢多少少奶樽餵。若果而家已經要用奶樽，試下俾其他人用奶樽餵，你自己就埋身先餵，咁BB會識分一聞到你，就要自己啜，一聞唔到媽咪，就要用奶樽。BB好聰明的，只係唔識講出自己感受。

餵人奶係先苦後甜，但BB真係特別健康同埋開心（每次我同佢講食奶奶，佢都笑到見牙唔見眼），辛苦，但好值得。你擔心少奶或者回奶，可以多飲木瓜魚湯，同埋紅豆蓮藕湯水。。。餵人奶要飲好多好多好多水的，你諗下，正常人每日八至十杯，BB飲奶粉都每日十幾廿安士啦，若果你唔多飲湯水，唔好話唔夠奶，直頭缺水添呀，所以勁飲水啦，唔駛擔心唔夠奶的！！！放鬆心情，一得閒就埋下身餵，三個月後，你一定唔會再擔心唔夠架喇（因身體習慣就自動調節了）

happy feeding!

teresa

姑娘又唔係咁教我喎~ 佢叫我一路埋身餵，留意濕片夠唔夠.
如果想多奶，要俾bb啜多d 架!
我開頭都有你呢個疑問，後來堅持埋身餵，餵餵吓就冇問題架喇.
講起泵奶，我係大概三星期先開始泵到奶咋，之前泵唔到添呀!
同埋咩泵都有影響架，之前買平泵一滴都冇，後來朋友介紹個貴d 既，咁就泵到喇