我個bb而家差唔多兩星期大,開頭幾日因為唔係好識餵人奶,搞到bb跌磅跌得比較多,姑娘都叫我餵完人奶再補奶粉俾bb
但係唔知係咪bb啜慣咗奶咀呢,佢成日啜人奶時都扭計,啜咗幾分鐘佢又唔肯啜,縮開個頭同係咁喊,我通常都會迫佢食一陣,跟住再同佢補奶粉,因為佢每隔幾分鐘就縮開同喊,要補奶粉佢先唔扭計。不過呢,有時佢又肯啜好耐,啜成個鐘都試過,但啜完都好似唔飽咁,要再補奶粉佢先唔扭計。
因為佢成日扭計唔肯食人奶,所以我諗住泵出來用奶樽餵佢,但係我泵咗半個鐘先泵得半安士人奶,真係好沮喪呀!唔知係我唔識用個泵(手動泵)定係我唔夠奶
究竟係唔係我唔夠奶,所以BB啜極都唔夠呢?因為我而家都唔係餐餐都餵人奶,一日都係餵兩至三餐,其餘都餵奶粉,都驚會回奶呀。如果我Keep住餵人奶+奶粉,會唔會好容易回奶架?有冇咩方法可以多番啲奶?其實我都想多啲餵人奶,但係又驚bb唔飽喎,餵人奶真係辛苦,好多野擔心,但為咗bb好又唔想放棄喎