You are here討論區 / 早產及0 - 2 個月寶寶 / 奶量急跌！點算！好驚！
奶量急跌！點算！好驚！
[quote=Wong Jessie]
之前我係奶粉 + 人奶，琴日全日都可以全人奶 (希望之後都keep到啦)，我而家係泵出黎餵佢，奶量都已經有增，呢幾日由每日5xx ml到琴日7xx ml。希望我可以做到一個全人奶媽媽啦！ :wink:[/quote]
雖然將奶泵出係有助清楚看到BB 食得多少奶量.但係亦都可能只泵奶的關係而產生其他問題,如BB有乳頭混淆,泵奶的排清效果較差,造奶刺激較少....所以要留意.如果BB仍然肯埋身食的話,還是多讓BB 埋身食啊!
Dear Candy and Heidi,
多謝你地既回應呀！前幾日再帶BB返去檢查，我都有問醫生，佢話主要係BB當時既calories唔夠，所以佢食得唔好、訓得唔好、餓又唔想食咁。我估係我之前湊佢既方法出現左問題。
之前我每兩個鐘叫醒佢 (想幫我上奶之餘，又怕佢掛住訓唔會食)，佢唔喊都照叫，但佢每次都發晒脾氣，食一陣就訓或者發脾氣。
後來我隔耐d先叫佢 (3-4hr)，或者忍心等佢喊先食，發覺佢每次都食到3-4oz (呢幾日基本上每餐都係4oz)，每日6-7餐，但佢呢個星期既體重增長理想 (一星期重左0.4kg)，所以我估之前係我唔清楚佢pattern，攪到佢又眼訓又冇精神食。
之前我係奶粉 + 人奶，琴日全日都可以全人奶 (希望之後都keep到啦)，我而家係泵出黎餵佢，奶量都已經有增，呢幾日由每日5xx ml到琴日7xx ml。希望我可以做到一個全人奶媽媽啦！ 
雖然我唔清楚點解醫生話你BB手腳凍就認為係血糖低,我BB出世時因為血糖低而要補奶粉,當時姑娘用杯餵佢的,1日要吉3次手/腳,驗到低先補奶粉,到第2日出院既時候,我問姑娘返到屋企駛唔駛幫BB驗血糖,姑娘話唔駛,因為如果血糖低BB係唔會出院住,所以我覺得你應該問清楚醫生好啲！
Wong Jessie,
妳好！足月及健康的初生bb是不會有低血糖症的，再者，如果一些本身有毛病的bb，患有低血糖症的話，也要以驗血來看其血糖水平來判斷，沒有理由以手腳冰冷來作判斷，妳說對不對！
bb吃了奶粉看來易睡了，多是因為奶粉難消化，為免消耗能量所以要睡。初生寶寶一個多小時吃奶十分正常，如多吃了奶粉而睡多了，相反會吃得更少母乳，加上bb吃飽了奶粉又吃少了母乳，母乳量自然因為需求下降而減少，結果形成惡性循環，愈來愈少奶。
niktac說得很好，bb大約二個星期回復出生的體重。現在如果bb比收水後最輕的體重有適量增加，平均每天有20-24克增重（或每星期140-170克）便是正常。
還有，bb吃奶很長時間後還不睡也是正常，因為不一定吃完便睡。我看妳所形容的，妳真的已經做得很好！
是否要再補奶粉，相信要衡量其風險。除了會影响奶量外，還會增加其他健康上的風險，包括過敏問題。
有沒有考慮轉另一個醫生拿個second opinion?
原來如此。我明白你既擔心奶量，又擔心BB 健康，不過，暫時聽你說，BB 體重除了增重慢了一點，其他方面都無問題呀。 
比較母乳和奶粉的熱量，母乳熱量較奶粉高，而且亦較易吸收和消化。
你之前每兩小時餵一次奶做得好好呀，keep 住咁就ok 的了，要留意的是BB 食奶姿勢正唔正確，如果BB 個嘴仔張得唔夠大，沒有含實乳暈，BB 只當乳頭係珍寶珠咁吮，是會食唔到奶的。所以我會建議你帶BB 返健康院，比姑娘睇下BB 食奶食得好唔好。
除此之外，可留意BB 有沒有換到五至六條夠濕的尿片和大小便次數。
以前沒有奶粉的年代，人都是食母乳長大的，所以，唔使擔心。
仲想補充少少呀！
醫生話BB手仔腳仔凍，係因為佢唔夠血糖，唔夠卡路理，所以先會咁，所以先叫我補夜晚！
所以我又唔敢唔聽，都唔知點！
就有無谷到漏奶而定斷自己奶量有幾多，係唔客觀且只會打擊自己信心。研究發現，世界上只有少於2% 的婦女因腦下垂體分泌有問題令母乳分泌未能滿足BB 需要。所以說，幾乎大部份的婦女都會有奶比自己的BB 食。
BB 體重方面，健康足月出生的BB，收水後，於第十日至兩星期追回出生體重就OK 的了，通常是兩星期都沒有增重才會檢查餵母乳方面是否出問題。
食一邊正經的有15-25 分鐘，都ok 呀。留意有無足夠的濕片就得了。
研究發現，中度營養不良的媽媽，奶水的營養也足夠BB 的需要，由此可見，除非是嚴重營養不良，母乳質量才或會有問題。休息不足只會影響奶量，不影響質量的。
梅菜可以食，有些食物暫時要忌一忌，詳細的請看：餵母乳要否戒口及有何種食物會增加或減少奶量？
加油呀！
Wong Jessie,
夜晚唔好餵奶粉呀,我果時都係夜晚餵奶1餐奶粉,雖然BB真係可以瞓天光,但佢成個月都無增磅,後來健康院姑娘教我餵夜奶,如果真係要補奶粉都等日頭先補,同埋唔好一次補咁多,於是我連夜晚果餐奶粉都戒埋,開始時真係好辛苦架,差唔多1個鐘就要食一次,但慢慢會有改善,而且餵夜奶真係上奶上得好啲,所以我日頭都唔需要補奶粉,而BB都有增磅喇,唔好懷疑自己既奶質數唔好,因為無嘢係好得過媽咪既奶,努力喇,好快就可以追番奶量架喇！
醫生話BB出生一星期後應該可以追番出世時既體重 (因出院時收左水)，但因為我一星期帶BB返去時佢仲未追得番，但我話我已經上左奶，所以醫生估計可能我唔夠休息，就算夠奶，但質數唔夠好，所以BB增磅唔理想！
之前上晒奶時，BB食一邊都已經夠飽，埋身就大約30-45分鐘，真係啜既就大約15-25分鐘不等！
但照你咁講，即係就算我而家奶量突然跌左，但只要我繼續努力，都可以去番之前多奶既情況？
另外，請問食梅菜會唔會少奶架？
Wong Jessie您好！
你位醫生對餵母乳的認識好似同我所知的有出入咁嘅！？
首先，你唔使驚，BB 只得9 日大，你還有大把時間餵奶，記住母乳是按BB 需要分泌，BB 需求越大，媽媽配合BB 餵奶，身體就自然會分泌母乳滿足BB 需要。有時未必一定要谷到漏奶才算多奶，而且你能谷到漏，証明你有好多奶，不需要擔心了。
媽媽好多奶，但BB 增磅不理想，原因是甚麼呢？BB 出世時幾重？現在幾重？健康足月出生的BB，每月有0.5kg 的增重，就代表BB 有食到足夠的奶。
如果增重不想理的話，那就要看BB 食奶姿勢是否正確，留意以下要點：
嬰兒的嘴巴張得很大及上下唇均向後翻
含著整個或大部份的乳暈
舌頭應在乳頭及乳暈下面
如果你唔清楚，建議你預約屋企附近的健康院，健康院的母乳輔導服務幾好的，姑娘會好樂意教你BB 正確的食奶姿勢。此外，現時BB 食一邊還是兩邊？有些時候，媽媽奶水太多，會令BB 食了太多前奶導致增重不想理，餵奶時讓BB 食一邊食到自動離口，然後才比另一邊BB 食。
晚上不要餵奶粉給BB，你咁多奶，直接餵比BB 食吧，有BB 幫你食清d 奶，你就不用又餵奶粉又要泵奶咁多功夫了。
BB 食完奶唔瞓覺，因為BB 仲細，唔識得自己瞓，要大人抱下、搖下、拍下pat pat 咁tum 佢睡覺的，BB 剛來到陌生的世界，他們還需要大人的安全感。
如果你決定只餵母乳不補奶粉，可以觀察BB 每日換了幾多條夠濕的尿片，或大小便次數來知道BB 有沒有食飽，詳情請看：如何知道嬰兒是否吃飽？
希望幫到妳！
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
BB (9日大)，一直兩個鐘叫醒佢食奶，當時奶量好多，但前日同BB去檢查，醫生話BB增磅唔理想，叫我夜晚比奶粉，日頭全人奶，等得可以多D休息，同埋佢話因我已上奶，所以可以2.5 - 3小時先叫BB食一次。可能因為兩日間突然餵少左，琴日下晝突然發覺奶量少左好多，平時谷得好辛苦，成日漏奶，但琴日冇谷冇漏，BB訓覺既時間亦短左。
我琴晚半夜餵奶粉外，泵清乳房，希望有SIGNAL比佢可以繼續造奶，兩邊加埋都得3安！
今朝餵BB，但餵左兩次佢都唔飽，根本訓唔到，所以我補左1安奶粉比佢，食左佢就即刻可以訓！
請問：
1. 補奶粉應該補幾多先唔會應該BB食人奶既意欲 (佢夜晚食2安，我今日補只係補1安)？
2. 我既奶量急跌，但如我keep住繼續日間餵佢食、夜間泵，可唔可以再上番奶，好似之前咁多奶架？
好驚呀！我好想繼續可以餵人奶呀！