You are here討論區 / 早產及0 - 2 個月寶寶 / 係咪真係密密餵就得？
係咪真係密密餵就得？
要留意餵奶姿勢是否正確, 及有沒有每天6-8條濕片,這是bb有否吃得飽的證明. 詳情可在母乳Q&A那頁找到. 現階段最好不要泵奶,採取埋食餵, 因又餵又泵自己都很累呢, 況且要泵, 也應泵無過那一邊. 除餵奶外, 其他功夫交給家人做, 如果你肯定他是飽, 而他又繼續哭, 試找家人幫手抱, 自己則避席, 有時bb可能唔係肚餓, 而是需要安全感, 自己多點休息, 多飲水及吃飯, 少點奶粉的依賴, 自然奶量提昇! 努力, 加油.
"Volunteers don't get paid, not because they're worthless, but because they're priceless!" - Sherry Anderson
Hi Lamlamhimhim,
你能餵到滿月，成績很好，你同BB 都仲適應緊新生活，慢慢來。
1. 其實BB 喊都有好多種，扭眼瞓、悶要人抱都會用喊來表達，所以BB 喊唔一定係肚餓，要分辨可以抱BB 拍下pat pat 呵下佢，如果抱左十分鐘都唔掂，先好餵奶。
2. 同1. 一樣，有些BB 扭眼瞓要人抱要人呵先瞓得著，你抱下BB 先。
3. 其實同1. 及2. 一樣，分辨到BB 係咩事喊先決定。
4. 唔需要，坐月媽媽需要充足休息才會多奶。需要返工的話就臨返工前兩星期先泵。
5. 要知道BB 有無食到足夠的奶，需唔需要額外補奶粉，是有可靠的方法，因為每個BB 的吸吮投巧都唔一樣，所以無法從吸吮時間知道，但你可以從BB 未滿月前的大小二便次數，及增重紀錄得知，詳情請看：如何知道嬰兒是否吃飽？
最後，有無帶BB 返健康院檢查？健康院的母乳支援服務幾好，會教你餵奶姿勢同紀錄BB 增重紀錄，無的話就有BB 返健康院啦。
Thank you!但有時不停咁吮，一到下午至傍晚噴奶反射真係好少，用手擠壓乳房也幾乎冇咩奶出，怕唔怕係已經吮乾吮淨了，另外，請問我的乳暈很少但乳頭夠凸夠大，bb不用張口很大已經把整個乳暈含住了，上下唇也外反，吃奶時會見到咀角周圍有乳汁包圍，不知道是否正確呢？因為我不是住hk,不能到健康院請教姑娘~
我都係比阿b密密嗓，其實真係啜多啲，就多啲，不過要肯定他資勢啱。我就比較煩，因此我要返工，所以你唔洗返工，密密喂，甘好快,就見效，我就好堅持無比奶粉。不過記住保持心境開朗，多啲休息
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我bb剛滿月，一直埋身餵+補1~2餐奶粉，我想餵全人奶，但有以下問題請教：
1.bb食奶好頻密，係咪真係堅持一喊就比bb啜就得？
2.但我發現除了早上第一餐，bb食完可以瞓1~2h外，之後每次埋身餵後bb都瞓唔著，唔夠10min就喊，好似食唔飽咁，有時更完全不能放下他，一離開乳房就喊，咁ge情況係咪代表乳房被不停吸吮後入面已經冇咩奶？
3.總之我感覺到乳房根本refill唔切，如果bb已吮了大半個鐘，放低後10min又喊，又食手，咁你地會點做？繼續又比bb吮嗎？但一側乳房被吸啜了大半個鍾，10min又再吮會仲有奶嗎？而且我感到就算堅持比bb啜，但已經冇明顯噴乳反射了，一直糾纏下去，大家都冇得休息，我好似夾硬用乳房安撫bb但冇奶餵他一樣，其實係咪遇到咁ge情況就要補奶粉？
4.bb吮了一邊乳房成半個鍾，之後仲要立即泵奶嗎？咁係咪即刻在同一側(即BB剛吮完的一側)泵奶泵到冇奶出來後再泵多5~10MIN?但好多時ＢＢ吮完再泵已經完全泵不到奶出來了，咁另一側BB冇吮過的乳房內的奶也要全部同時泵出來嗎?但如果一起泵了出來的話,因為BB好快又會喊食奶（約１～１．５Ｈ），泵了出來下一餐便不夠食了，因為感覺乳房不能在一兩小時內再造奶，何時泵奶才可以增加泌乳和多刺激造奶呢？點可以泵清乳房？
5.每次埋身喂bb後可以立即再補奶粉嗎？怕唔怕破壞人奶成粉or影響腸胃？如何決定補多少奶粉呢？