You are here討論區 / 早產及0 - 2 個月寶寶 / BB一個月,想轉餵人奶,可以嗎?
BB一個月,想轉餵人奶,可以嗎?
louise25 你好！
研究發現，即使中度營養不良的媽媽的奶水，也能提供足夠的營養給BB，唔好懷疑自己了，你之前有谷奶和塞乳腺，足以証明有好好的奶量。
如果BB 食得密其實係正常架，六個星期大之前的BB 通常兩個幾小時食一次奶，母乳製造是需求越多就供應越多的，初生BB 的胃很細小，不能一次容納很多奶，所以每次不會吃很多落肚，加上母乳易消化和吸收，所以BB 食得密是正常和健康的表現。
要知道BB 有沒有食到足夠的奶，看看BB 每日有沒有換到足夠濕的尿片，詳情請看：如何知道嬰兒是否吃飽？
另外，也要看看BB 食奶的姿勢對不對，請參考：我的餵奶姿勢是否正確？姿態講解。 如果唔太肯定BB 食奶姿勢，可以預約屋企附近的健康院，請教姑娘，佢地會好樂意幫你，健康院很支持餵母乳的。
最後，餵母乳是多勞多得的，不要放棄，加油啊！ 
仲有1個week, 我都全人奶6個月啦! 我係99%全泵形, 要返工仲要出差tim...我d奶夠我仔食同日日沖人奶浴ga...
你都得ga...趁未返工, 就埋身餵多d + 用樽餵泵咗ge人奶. 2餐中間又泵d出來儲...食多d飯, 飲多d湯, 儘量瞓多d就會上多d奶...
唔好俾壓力自己, 做到就做, 開頭要適應係要1段時間, 尤其是要泵奶, 又要餵奶, 有時d schedule 又比較趕迫...你有心, 又唔懶就得ga la...
我開頭set ge target 都係3個月, 餵到再extend 到6個月, 而定下1個目標係1年/自動離乳....
仲有千奇唔好買定奶粉係屋企...我1罐奶粉都無買過!!!
最後緊記: NEVER NEVER NEVER GIVE UP!!!!!
免責聲明
本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
BB就快一個月大,岩岩出世時,我係全人奶的(大概一個星期左右),但因為谷奶和塞乳腺,又未好好處理,搞到BB食唔到奶而發脾氣和面黃,體重比出生時輕很多,因為這樣,我的心情很低落.......所以老公叫我轉俾BB食奶粉.
但現在我有點想同BB轉食人奶..但我發現自己前乳多過後乳.....因為我坐月呢段期間胃口很差,每餐只可食到一碗飯(但我還是肚餓的,只是沒有胃口.
我4月就要返到工作崗位了.....但我心想幫BB轉人奶.但老公知道就不太想,因為佢怕我又會因餵人奶而情緒有問題.....
究竟我可以點做呢?同埋我依家奶量一定唔夠BB食的..可以點做呢?
謝謝!