You are hereOL

免費索取 育嬰手冊

OL


[B計劃之媽媽分享] Norris Mama (OL)

By ceciblau - Posted on 30 七月 2015

[B計劃之媽媽分享] Norris Mama (OL): 我是一個有兩位小朋友的在職媽媽, 生兩個小朋友時都是在同一間公司工作。

生完第一胎雄心壯志復工, 每日提著三大袋返工 (手袋, 奶袋, 冰袋)(因為對於自己即將開始的上班泵奶生涯既興奮又緊張)。復工第一泵, 8:40 am, 我好記得, 因為我特登提早返公司泵奶。我用一間無人用的房泵奶, 最初都無人阻止無任何問題, 但後來我的男老闆叫經理通知我, 不要再在公司內泵奶, 說我影響公司, 又說人奶放在雪櫃好影響同事。我當時好憤怒又好無助, 出來打工, 為的都是三餐溫飽, 我自己食得飽都想個女食得飽, 雖然你是男人, 但你自己都有仔女都是為人父母, 點解要這樣為難一個女人, 一個媽媽。可惜, 我..只係一個打工仔, 老闆不批准也無可奈何。

於是, 我便選擇較遠的商場育嬰室泵, 我要讚下老公, 是他第一時間幫我搜尋公司附近哪裡有育嬰室, 最後, 我找到Times Square。 就這樣, 開始了我更艱苦的在職泵奶生涯。直至大囡15個月, 我無再泵, 只是早晚埋身, 過多幾個月, 有了第二胎。

生完第二胎, 我好大膽匿藏在server房處泵, 點知都是給老闆知道, 明明一件好偉大的事要變成偷偷摸摸, 日日像打游擊戰。

感恩的是大廈裝修後, 樓下有一間育嬰室, 一放lunch就即衝落去泵, 更開心的是, 同一時間有三位媽咪一齊泵, 有戰友的感覺真係非常好。

而每到lunch, 我都係第一個到, 由於育嬰室唔大, 張sofa只可坐到兩個人, 所以多人的時候, 我地會有些坐有些企, 又因為我要爭取時間泵, 好多時會帶盒飯邊食邊泵, 幸好泵媽們都體諒。

對於這兩胎的泵奶經驗, 除了生理上經常塞經常擔心不夠奶外, 還要擔心返工時泵奶受到阻礙, 真係身心俱疲的。有時見到一些媽媽不是不想餵不想泵, 實在好多外在因素會令她們卻步。

所以真的很想政府推廣教育一下, 還有在配套上可以更加普及同完善。在職泵媽人奶路其實可以好輕鬆, 只要得到簡單的配合同背後的支持。

希望天下間的母乳媽媽在餵奶生涯可以奶源充足, 順順利利。

加油~

加入我們

愛心捐助

捐助我們

義賣餵奶巾

哺乳圍巾,所有收益撥作宣傳母乳

下載母乳育嬰專訊季刊

下載母乳育嬰專訊季刊

為甚麼母乳最好?

為甚麼母乳最好?