You are here討論區 / 早產及0 - 2 個月寶寶 / 覺得餵人奶好困身，好攰
覺得餵人奶好困身，好攰
我同你的情況好似,我亞細今日剛滿月,都係每2個鐘食一次奶,好間中先會好叻仔咁3個鐘食一次!所以好明白所謂『每2個鐘食一次奶』,對奶媽黎講,根本冇2個鐘!!
我都覺得,煲住劇黎餵奶,時間易過d,心情都輕鬆d架!如果除左餵奶外,你的屋企人肯幫你分擔掃風換片工作,你就放手俾佢地做啦,呢個時候嘅bb,食奶係最緊要呀,你都為佢做左最緊要嘅野咯,已經足夠啦!!
我坐月期間,餵奶掃風換片一手包辦,話咁快就過左一個月囉,所以唔好擔心咁多喇,好好享受呢10個星期產假啦!到復工嘅時候,真係會好唔捨得呢段日子架!!
jenjen2002 你當然正常. 當我快要返工, 我便開始晚晚發夢擔心很多很多, 所以我更加勤力餵奶, 因為只有我才做得到, 復工後bb果然是掛念媽媽, 只要回到家中bb是要找我同他相處, 我的妒忌心開始淡忘。當bb再大d 你便明白母乳是增進親子的好處。加油! 
阿仔依家6歲了,我成日跟他講: 你初出生時,只得個枕頭仔咁細架咋. 依家你長得我快抱不起了!
我仍好懷念以前日夜抱仔餵奶的日子,當中包括曾一度非常沮喪的日子.我都必須接受這經歷,因為就是有那些不見天日,只見阿仔"塊面"的日子,才更感到後來成功的可貴.及更珍惜大家互相適應合拍的關係.
真係無得頂的!
要令自己好過點,就是放輕鬆點.將這餵奶項目定作閉關修練,過得兩至三個月,妳就能夠嘗到餵人奶帶給妳和BB 的好處與方便了.
"有時，我會好驚人地搶晒我d野來做，好抗拒人地掂bb，即使係我自己媽咪／奶奶抱bb，我都會妒忌，我要自己抱返。係咪唔正常呢？"
是正常的, 自己也曾經歷過, 可能女人天生愛妒忌吧, 加上那時新請工人, 99日日有新投訴, 心諗你想我炒佢, 比你照顧bb吧, 那時我真的有點產後depression!!..到依家99都成日話個孫親亞媽多d, 可見她幾妒忌, 好彩佢自己個女都串佢, 唔係親亞媽多d, 唔通親你多d咩...
要堅持餵人奶, 就係呢樣只有自己先做到, 而且又係一個好excuse成日抱住個b, haha...
"Volunteers don't get paid, not because they're worthless, but because they're priceless!" - Sherry Anderson
唔好客氣！你有咩開心唔開心就來這裡傾傾啦！ 
Breast is BEST！
原來如此，你不是唔正常，是你太著緊BB 而已。你諗下，餵奶係無人能取代，其他人只能靠照顧BB 來親近一下，你就當係BB 同其他人相處的機會啦，BB 多人疼鍚是一件好事。
如果唔係母嬰分開，我就唔建議靠泵奶去增奶量，因為BB 的吸吮能力更勝奶泵，有BB 幫你，奶量不會出問題，加上BB 增重理想，你也無需要擔心了。
爸爸的親子活動，不妨以洗澡或tum 睡覺來代替。
好好地享受坐月的時間吧，我現在只能回味了。
希望幫到你！
我同意stumama, 最開心係帶bb去磅重時，知道bb增重理想，咁就覺得都值返晒。
因為我驚唔夠奶，我想增加奶量，所以有時會pump奶留起佢；有時又覺得比老公用奶樽餵一餐，老公會覺得親子d。但近日bb好似猛長期，餵得好密，我覺得太攰了，都冇pump 奶了（亦冇時間pump了）。
請問pump 奶係好定唔好呢？
拍風，換片等等，我都儘量比人做了, 但係有時覺得自己係媽咪，應該親力親為。有時，我會好驚人地搶晒我d野來做，好抗拒人地掂bb，即使係我自己媽咪／奶奶抱bb，我都會妒忌，我要自己抱返。係咪唔正常呢？
其他媽咪講得好啱,掃風換片呢d工作咪留比其他人做lor..坐月期間專心餵奶就可以架啦...有時間好好休息吧
我個b未滿月時每隔1.5小時便要吃一次, 你果個3個鐘已經好好架啦.
你剛剛學餵奶, bb也在學習吸食中...呢個過程是會辛苦少少的....我都係過來人, 我個b現在剛滿四個月, 想當初我在坐月期間每天都累得想哭(事實上確實試過哭了出來),懷疑自己餵人奶的決定究竟是否有錯.但經過呢度咁多熱心人的支持, 我捱過了曾經以為無可能的日子...到了現在一切都run 順左, 正值收成期的開始,我嚐到了母乳餵奶的方便和收獲了...bb的抵抗力確實比較好..第一二個月的辛苦付出確實是值得的!
後來當我要上班時, 甚至會很不捨得坐月那段和bb朝夕共處的時光呢!因為在現今社會中,全職媽咪一生中能和bb這樣緊貼的日子,實在機會不多!你要好好珍惜啊!
回想起自己坐月的日子，情況同你差唔多，無出街同無時間扮靚，不過BB 滿月後情況就好好多，所以你要加油呀！
請相信, 到 BB 一個月大, 情況會比宜家好好多; 再到兩個月、三個月, 亦會繼續見到好大既進步! 「艱難既日子總會過去！」我當時就係咁同自己講。
你又有陪月, 又有工人, 我咩都冇, 靠自己, 都係咁渡過左~ 我唔係話鬥辛苦鬥慘, 而係想你知道, 有人比你更艱難, 都得, 你都一定得既! 加油!
如不餵奶, 只是坐月不淮出街都會覺得辛苦, 這是我坐月時的感覺。
家中多了個人, 各方面都要配合及適應, 不要太心急, 記著有了bb是一件快樂的事, 你可以同他談心, 雖然他不懂及不懂回應, 但他是會感受到你的喜樂。加油! bb哭是正常的不要太緊張。時間好快會過, 你亦很快忘記這些日子, 只記得他向同笑、玩、學講話....
我的孩子大了, 想他們多d時間陪伴都很難, 所以好好享受現在的光陰。
拍風,換片,tum BB訓全交給陪月或工人, 多爭取時間日間休息, 因為到了晚上, 只有自己和老公做。過了一個月, 身體復原就冇咁辛苦。
同意stumama, 媽媽只係餵奶, 其他野交比家人做吧. 頭一個月難免辛苦d, 等bb大少少, 可以瞓住餵會無咁辛苦, 加油,為左bb健康打好基礎, 媽媽的付出會有回報的.
另這時期避免叫親朋來家探望bb, 免得要兼顧招待, 又增加自己壓力.
或者咁啦，你餵完奶後，掃風換片tum BB 訓呢d 功夫交比其他人做，咁你就可以休息一下。
有時BB 食完奶訓一陣就喊，唔一定係肚餓㗎，可能BB 想人抱。
BB 食奶時，你可以一路睇電視一路餵㗎，我坐月時仲因為咁煲左幾套劇，餵夜奶我都照睇㗎，等自己無咁眼訓嘛！
點解你要泵奶嘅？坐月就唔好泵奶咁辛苦了，訓多一陣訓仲好啦。無時間扮靚？唔緊要啦，響屋企都無人知！我諗個個坐月時個樣都好污where 下。
坐月的時候，最開心係去健康院磅重，知道BB 增重理想，真係真係好開心同好有成功感！我個B 滿月時我自己才正式出街買衫，好似大鄉里出城咁樣，諗番都好好笑！坐月呢段日子可以同BB 朝夕相對，之後我要返工，真係好懷念呢段美好時光！
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
bb而家20日大，我埋身餵人奶，bb每兩三個鐘就要食，我覺得好攰，好困身，有時心情都係麻麻。我想問點樣可以心情好d？
bb每三個鐘就食，食最少半個鐘，食完又要拍風，又要換片，又要tum 佢訓，中間只係淨返最多兩個鐘度，咁我就要响呢兩個鐘趕住做好多野。要趕住食埋飯，趕住去厠所，趕住pump奶, 趧住訓返一陣。。。。etc.
有時bb餓得快左，我真係啱餵完，放低佢，等佢訓著，之後我去沖個涼，未沖完佢就喊...
我仲坐緊月，除了去同bb做checkup, 我都冇出街喇。覺得每一日困左响間屋度，未訓醒就要餵奶，face都未洗，咁樣又開始一日，直到midnite，又攰到face都唔想洗就去訓....
電視都冇時間䏲，錄低左，想睇返，都未睇到一半，bb就會喊...
我想問其他媽咪點渡過呢種生活？點令自己心情好d？我已經有陪月，又工人，我媽咪又會來幫下手...但點解我仲係覺得咁辛苦呢？
但我真係唔想give up...