nipple的痛楚

我睇咗醫生了, 因我昨晚有微燒, 所以佢話我應該係乳腺炎, 但我並沒有局部硬粒. 我阿BE暫時都未能教曉他正確的姿勢, 佢亦拒絕用樽以外的方式食奶(匙或杯), 因他比較心急的.
我之前亦去過健康院, 但他們的意見不外是話我阿BE比較硬頸, 而我奶量亦不足, PUMP出來用樽餵亦不是一件壞事.

幾乎個個醫生都會話餵人奶好! 但係一般醫生,又未必就對母乳餵哺有認識.
佢開口講聲叫妳"停餵",係好隨便就解決到妳的胸/乳頭痛的問題.
但係醫生佢有無真正了解妳想餵人奶的心意,或者試用正確途徑幫妳解決個問題呢?
呢點妳要深思.

遇到乳腺炎/乳塞/乳頭損/真菌感染,都會令到媽媽的胸/乳頭好痛,真的好痛,有的會像針刺般痛.
乳腺炎及真菌感染的,胸部某d位置會有紅腫/脤痛.乳腺炎的話,媽媽還會發燒的.
妳有沒有這反應?
如果懷疑有真菌,可以暫時不埋身餵.但仍要將奶擠出/泵走,讓身體知道仍要為bb 製奶.看看情況有沒有改善.

如果只是乳塞(乳秀某d 部位內有粒粒結實),或乳頭損(乳頭位置有損痕),仍是可以直接餵bb 的.但要記得我之前提醒妳要注意佢食奶的姿勢.看他吸得幾日 (尤其讓他的下巴貼近妳有塞的位置),情況是否有改善.

泵奶係可以將乳房的奶擠出,但吾係每個人,在一開始就能夠泵得順利.一樣會有吾夠奶,泵損乳頭,或因為泵吾清而造成乳塞等問題.
bb 食奶這動作,本來是自然不過的.奶泵也是模仿他們吸啜的動作而生產的.所以,bb的咀仔吸啜才是最天然的泵,泵清效果亦較佳,這是不爭的事實.連奶泵公司也不能否認的.
只是,我們不時夾雜了奶瓶及媽媽乳頭的餵他們食奶,以致令他們有乳頭混淆.
只要耐心點,等他咀仔張得夠開,才攬他埋身吃,每次咀仔啜乳頭前端,就要由頭黎過.只要不給他奶瓶,反覆多次練習,他還是會糾正過來的.

或可到健康院約見他們的哺乳姑娘/參加他們的哺乳小組,聽聽她們的意見,對妳餵奶的幫助會大好多架!

我個胸唔知係咪中咗真菌, 因覺得有d痛, 如果真係, 是否可以睇普通家庭科醫生? 定係要係專科?
而且奶量又再進一步下降, 可以點樣? 是否要放棄?我真的奶沮喪, 家裡的人都叫我放棄, 但我已經堅持了廿多日了. 早知就唔埋身食, 仲可以pump出來給他, 依家就....... 你哋可唔可以俾d建議我.

我想妳是乳頭破損了.
乳頭週圍是否有深啡色的地方,好像結了"焦"?

一般乳頭破損,跟bb 食奶/媽媽抱bb 的姿勢有關.
如果bb 用食奶瓶的方式 (如: 用舌頭頂,用牙肉咬,又或者只食得乳頭的前面),就會容易弄損媽媽的了.
如果是這樣,就要糾正bb 食奶的嘴形: 待bb 的嘴巴張至最大時,才攬他埋身.bb 食得正確,上下唇應會翻開像喇叭一樣吸住妳的乳房,即含得夠深入,而且媽媽不會邊食邊痛的.

而妳抱b 的姿勢亦要注意.
把bb 的頭,頸,屁股(三個部份)成一宜線的抱在胸前,bb的嘴要與妳的胸平衡,不能過高或過低.有需要,腿上可放枕頭等物墊高bb.bb 食奶時的下巴應要"貼實"妳的乳房,分得太開,會有機會俾bb 拉損乳頭.