You are here討論區 / 父母心聲分享區 / BB 喊肚餓
前日外出食下午茶，鄰座的初生嬰兒大哭起來，BB 的媽媽要等去了洗手間的爸爸回來開奶，但爸爸開完奶之後又要用凍水等枝奶無咁熱，結果個B 喊了大約八至十分鐘，哇哇大哭好凄涼。
我個仔問我BB 做咩，我老公答佢你細個時都係咁喊，我即時好細聲糾正老公，個仔細個時無試過喊得咁厲害，因為佢食人奶，唔需要等，我揭起件衫就有得食。以前我去到邊餵到邊㗎。
但願有更多人了解餵母乳有長遠的方便之處吧。
可愛餵奶巾，送禮自用皆宜，所有收益撥捐推廣母乳，歡迎選購。
去到邊飲到邊。對呀! 我搭地鐵, 搭巴士, 行緊街都可以餵奶。
只要餵奶巾在手, 哭叫一定走, 安心飲母乳, 媽b不用愁。
我仔仔出世之前,有朋友送了個"湊仔袋"給我,大大隻果種呢.
不過,之後無用過幾次!因為太大了,我只放小小野落去,吾啱用囉.
我以前仲成日攞住個 "a+" 袋架,貪佢四四方方,細細地啱size! 但係,我就奇怪,d 奶粉媽媽點會攞佢啫,點會啱佢地用架?又奶樽(有時吾只1樽),又奶粉盒,又私家水(又冷又熱播),仲有食吾食奶粉都要帶的片片啦,毛巾啦,濕紙巾啦,褸被啦.....妳地話點會用佢啫?
係手枕啫，啱啱"long"住隻forearm。唔係的話，個仔食咁鬼耐，真係不得了。
吓?! 成個枕頭咁帶出街.
我諗我"or gor"d，我連手枕都會帶埋出街，所以我個包包都唔少的。
係呢! 阿仔仲係半歲大左右,有一次跟朋友約出來下午茶.對方還好意問要不要地鐵站接我? 我想好地地一個大人怎麼不會找路去飲茶?
後來朋友見了我,好驚訝我帶著bb 何以這麼輕鬆,就是揹著仔,再手拿個小包包就可以了.她還說她以前帶仔仔出街可大陣象得多了,一個大背囊都不夠裝bb的用品呢!
對！ 餵人奶初期媽媽一般比較辛苦，要時間去學習及適應，但會愈來愈容易，到了兩個月左右，所花的工夫會大幅減少。 但餵奶瓶則相反，在起初比較易，也可以由其他人代勞，但即使日子久了，所花工夫只會減少許，工夫始終比餵人奶多許多，一直如此！如要出街，更要帶齊裝備！更莫說奶粉錢呢！
我希望有更多人能明白餵人奶的意義，及廣告商背後錢字的動機！
咪係! 想我地個b 吾喊? 俾個胸塞住佢個嘴咪就得囉! 幾方便!
訂閱RSS
訂閱電子報
前日外出食下午茶，鄰座的初生嬰兒大哭起來，BB 的媽媽要等去了洗手間的爸爸回來開奶，但爸爸開完奶之後又要用凍水等枝奶無咁熱，結果個B 喊了大約八至十分鐘，哇哇大哭好凄涼。
我個仔問我BB 做咩，我老公答佢你細個時都係咁喊，我即時好細聲糾正老公，個仔細個時無試過喊得咁厲害，因為佢食人奶，唔需要等，我揭起件衫就有得食。以前我去到邊餵到邊㗎。
但願有更多人了解餵母乳有長遠的方便之處吧。
可愛餵奶巾，送禮自用皆宜，所有收益撥捐推廣母乳，歡迎選購。