始終有餵奶問題，囡囡21day了

gurgur：

恭喜你生了一個可愛的BB！我仔仔未滿月時也曾因黃疸而很貪睡，我用了不少方法來弄醒他，你不妨參考一下：

1. 吃奶時只穿尿片和內衣，以免BB 太暖而睡著
2. 不要待BB 很餓時才餵奶，否則會BB 會無耐性去吸吮
3. 睡著了，用凍食水幫BB 洗面弄醒佢
4. 將BB 託好，像掃風那樣，打圓圈地搓背脊，我用呢招，仔仔一定會醒醒
5. "R" 手掌腳掌

最後以上方法都說唔得，咁你可以睇番當日食奶情況係點，有沒有夠濕的尿片，如果ok 的話，不如就讓BB 睡覺，你自己亦休息一下。可能BB 黃昏後便累想睡覺呢，只要日間食奶食得好，其實問題也不大。

你想全泵？我看過過來人分享，首先日子會由整天抱著BB 餵奶變了抱著奶泵泵奶，奶泵和奶瓶要洗要消毒，夠鐘又要時間坐熱枝奶，你一個人坐月，我擔心以上功夫會不會累壞你。再講，以我以前當在職奶媽的經驗，一開始泵奶，奶量是很少的，雖然日子耐了或泵得多奶量會升，但過程都幾辛苦，你還在坐月，對你來說，現在轉全泵，太勞累了。

其實我覺得，餵人奶是父母第二個考驗(第一個是生產過程)，這第二個考驗，就是要訓練父母，學習聆聽BB 的需要，同時也訓練耐性，母乳給BB 一生健康保證，是其他奶粉給不到的，你不妨將此道理告訴你的先生，新生兒是會為夫妻關係拉緊了一點，但只要以平常心去看，問題可輕而解決。

再講，BB 三個星期大才有問題，我覺得你已經做得很好很叻的了！加油！

哺乳圍巾，送禮自用皆宜，所有收益撥捐推廣母乳，歡迎選購。

我們協會在父親節前有個分享會,好適合妳同先生一起來聽的.
多d 聽取餵得成功的父母親的分享,交流一下,有助了解母乳餵哺的問題.
而且當日有一班義工在場,個個都可以即場解答妳們的提問的.

gurgur,

好了解妳想堅持的理由及心情.我地都係想俾再天然及再健康既食品過阿b食嘛.
試同妳先生解釋下,依家各人辛苦少少,當係供保險咁,為阿b既長遠健康著想,共同付出,將來必定有理想的成效見到嫁.

轉全泵,一樣要冒險.因為個泵點好,都吾及bb埋身吸啜咁好(當然係講bb成功既吸啜).而起初泵奶,又好多人未適應用個泵,又或者個泵吾合適妳,都會影響奶量嫁播.奶一少,妳就更擔心,一擔心,造奶又再少d,補奶粉既機會就又多d.延伸落去會造成惡性循環.

bb吾瞓,都吾一定表示佢食吾飽.有時可能係佢需要妳攬抱佢既個種"安全感"啊.我們都要體諒bb初到貴境,係需要時間適應嫁.

thank you 咁多位!!

我想知如果我想轉做全pump奶媽，應該点做??
奶量會drop嗎?可否增奶量的?

BB 始終唔肯啜同好快就 fall asleep (特別在黃昏後，早上同 afternoon 好好的)， 又唔鐘意spoon feed formula，我 husband 冇乜耐性，覺得佢食親都喊好煩.....叫我放棄人奶，用 bottle 餵 formula，又快，BB又食得飽，食飽咗就sleep， then 個個都有得 sleep............

我自已始終唔想放棄人奶.....也唔想因為想餵人奶同 husband 有agure......

点好？

我記得bb岩岩出世頭幾日，我成日都餵唔飽bb，bb日日喺醫院喊， 人地餵奶餵半個鐘，我永遠係最遲走既一個，試過餵成個半鐘，根本無教好訓，第一次去母嬰健康院時，bb比正常輕左同埋有黃疸添!我喺醫院又喊、屋企又喊、母嬰健康院都喊。跟住就好多人follow我，社工、母乳栛會姑娘......
我記得佢地教我既野，如果bb唔肯飲奶，你可以除左bb件衫，等佢無衫著，其實咁樣餵奶係最好的，當然，你都要睇返個室温，可以幫bbx返張被仔。又或者你keep住同bb講野，等佢無咁易訓覺覺。bb飲奶既時候，你可以按下乳房，即係唧奶奶比bb飲，咁佢咪無啜得咁攰成日訓覺覺豬。
其實你可以揼奶出黎，咁bb唔吸都可以keep住奶量丫，同埋當bb要飲奶時，你又無奶，你都可以有存貨即時補奶麻。平日飲多啲水，其實有好多野都幫助到你增加奶量。
呢啲係我用過既方法
1)黑豆水
2)通草煲湯
3)豬腳、木瓜
4)藥房買'若素''(母乳不足
5)飲多啲水、多啲訓覺休息，放鬆心情
6)按摩乳房
希望可以幫到你啦，唔好咁擔心呀!佢飲唔飽咪餵耐啲餵密啲囉~!其實你bb好幸褔，有你呢個媽咪肯付出，其實必要時，補奶粉你自己無咁辛苦，當然呢個係最後一步啦!

kwan

如果bb埋身吃一陣就睡著，大多數原因是太舒服及太有安全感，只係吃一陣不太肚餓就停下來。同時，因初生b個胃都仲係好細，吃不了太多，所以，亦會因此而很快再餓要吃。

一般來說，都會叫媽媽只餵一邊，以令阿b吃到較多的後乳。但如你阿b真係咁易就睡著，你可以在她吃了一陣未睡著之前就換邊，吃到差不多又想睡時又換反去另一邊，如左右左，右左右咁。那阿b就差不多到20-30分鐘，希望佢可以飽些。在餵食時，可以弄下她的腳仔面仔，等佢唔好咁易瞓著。同時，亦如另一位媽咪的意見，一定要keep尿片數，以確定阿b吃到奶落肚。

生完坐月沒有人幫手是一件幾辛苦的事，有沒有其他親戚朋友可以幫你弄下食的或只係日間來一陣，等你可以抖下。你亦要注意，飲足夠的水份才有奶水的。亦要保持心境開朗，阿b鐘意個開心媽咪的。

一般阿b滿月之後，吃的時間會較佳，當然，有時都有例外。俾心機，這裡有很多餵奶媽支持你的。

gurgur

你先冷靜一點
剛剛生完bb已經好累好辛苦
又要自己一個照顧bb,
其他人就算幫唔到手,
都唔需要講D咁難聽的說話
好似做錯事咁
個心會好難受,好無助
我地個個都生過bb,都經歷過,個個都明你感受

其實你都好緊張bb的,都怕佢唔夠營養

你首先留意,記錄下,bb每日有沒有6次以上的小便
如果有的話,你先不用太擔心
(但前提係餵全人奶同唔餵水咁先知BB食人奶夠唔夠)

另外你家中有沒有磅可以幫到bb磅重??
可以一星期磅一次,睇睇bb有沒有重到,
有的話都唔使太擔心

之後你打電話去健康院問姑娘,
講晒所有情況俾姑娘知,問下bb咁樣布沒有問題

如沒有,你可以同返話你的人講
"姑娘話bb健康夠營養,多謝他們關心你同bb
現在同以前時代唔同了,唔識可以打電話問姑娘
d姑娘又專業又細心,好好的" (激返佢地)

如果真係有問題,可以問下姑娘,佢地真係好好人
會幫你手解決問題,唔開心都可以同佢地講
佢地又唔會講返出去,你同人債完個心會放鬆d的

busiuhk

其實 "擰頭" 唔一定係唔想食,BB未發育完全,
未可以好好咁控制身體嫁咋

好似我果個,有時夠會用手推開我
其實佢唔係唔想食,佢不知幾肚餓
只係未識好好控制,咁緊張時就會亂陏

只要佢可以好好咁含住乳頭
佢就會一直吃,唔會再 "擰頭" 或推我

試下再幫幫佢去含住,BB一定想食奶的

我個BB都係，16日大，食5-10min就瞓，用姑娘教既方法去餵，佢好似發脾氣，係到擰頭，加上佢有黃疸，佢又攪到我乳頭好痛，好想放棄....