You are here討論區 / 3 - 5 個月寶寶 / 奶量少
奶量少
2961 8868衛生署的姑娘可以很快地分擔你的苦況，又能提供另類的心理輔導──我覺得真人傾，心情可更容易放鬆！
Carlos Mama,
1) 飲清的意思係,妳感到乳房已經無餵奶前的脹滿.但並吾係一滴都無既意思.
2) 如果乳汁好暢順咁出黎,係會射出黎既.不過,亦都要睇媽咪擠奶時既心情.因為如果媽媽太緊張/擔心,咁就算d奶脹到滿了,亦會擠吾出架.
3) bb 認真地食奶時,佢個腮都會郁埋,仲有吞野既聲音至啱.
4) 中途因為換氣,停少少時間係會,但係停得耐左,佢可能只係當媽咪係奶咀咁歎緊.咁妳吾好俾佢停太耐,間吾時"卒"醒下bb 囉.
我起初餵人奶,除左谷奶未試過之外(因為阿仔食得真係好密好密),好似bb 食吾停,吾肯瞓,乳頭成日損,呢d 問題都吾算係咩,最令我沮喪既係阿仔吾長肉,令到係人都認定我吾夠奶餵仔! 
之後,連醫生都只能勸我(或者算係鼓勵): 餵得一餐算一餐,餵得一日算一日,能堅持就堅持,太累就補點奶粉,媽媽休息都是需要的.休息過後,可能上奶更好....
之後返到屋企,就如醫生咁講....率之,我堅持到....阿仔4歲才戒奶啊!
有時,放鬆一下,對所有人都意想不到的效果也不定呢.
多謝支持,我會努力!
我想問:
1) 咩為之飲清?
2) d奶應該係滴出黎or嘖出黎?如果我用手擠,多數係滲出黎,間唔中有1-2條好幼既水柱嘖出
3) bb啜時係咪會聽到佢吞野既聲?我仔仔只有頭幾分鐘有吞野聲
4) 我仔仔啜30分鐘,其中5-10分鐘係開眼食,其餘都係瞓食,咁佢其實瞓食食唔食到?
謝謝!
Carlos Mama，你不用擔心！你已堅持了兩個月，已經做得很好！我曾經也為奶量問題而大哭過，不過母乳是越餵越多的，所以你不要給自己壓力，放鬆心情也是多奶的原因之一。
BB 睡的時候你也陪他一起睡，爭取休息時間。
你的先生很支持你，真的，有幾多餵幾多！祝你長餵長有，源源不絕！
我尋晚終於都崩潰了,餵仔仔左邊又扯,轉去右邊又扯,唔知佢係咪飲唔到,發晒脾氣,見到佢咁,我大喊左一場,嬲自己點解餵佢唔飽,嚇到我老公死,佢都有講,餵到幾多就幾多,唔夠最多補奶粉,bb知道媽媽已盡力
我而家日日飲魚湯,又飲多奶茶,d奶好似多左少少,不過仔仔仍然啜到我好痛,我都唔知我姿勢錯係邊
leo mum, 我都知道最重要休息,不過得我一個人湊,我機本上都無得休息,而且我仲有2個星期就返工喇,到時好擔心泵唔夠奶
carlos mama,
睇到你的情況,使我回想起我頭兩個月的苦況呢,很想與你分享...
我仔仔現在十一周大,可以全人奶了, 身體亦強壯,十分精靈
但是我補奶粉補了兩個月才成功...
因為我和BB先後要留醫,食了成星期奶粉,所以到第9日回到家才正式埋身餵,追奶追得好辛苦
BB每1.5至2小時食, 而且成日好似食唔飽,但我又唔想補奶粉, 夾硬起身餵,一星期後仲有乳線炎...
乳頭痛, 用奶泵泵奶, 最多都係得1.5安...
那時身體和心情都差, 到某一刻撐不住了, 家人便補奶粉給BB
看見BB飲奶粉時滿足的樣子, 我便會哭, 一方面恨自己唔夠奶,另一方面懷疑自己是否執著迫BB食人奶令到佢成日食唔飽
幸好家人都十分支持我餵人奶, 老公對我說:最緊要餵得開心, 大家都是為了BB健康成長, 如果媽咪唔開心, BB又怎會開心呢!餵到人奶就最好, 但是餵奶粉也無所謂
到我想通了, 多些休息,心情好轉了,奶量也回升, 漸漸補奶粉越來越少, 到了第8周便全人奶了
我知道每個媽媽的困難都不同, 但在這裡我們可以互相分享和支持, 一齊努力啦!
Thank you! God Bless you!
Carlos Mama,
我都知道妳一定係好擔心喇,而且個乳頭損真係好痛好痛架.
1) 乳頭損,一係妳抱b既姿勢有問題(bb既咀同妳個胸一定要成平衡同下巴要貼實妳既胸),一係bb含啜得吾正確 (bb的咀仔要張得好,上下唇翻開咁吸住妳部份乳暈).如果食得有成分鐘都係覺得痛,咁就係以上當中的一項有問題了.
2) 媽咪有傷風感冒,其實更加應該餵奶,bb會食到更多媽媽的抗體,對佢健康有保障.但係坊間好多西醫吾buy呢套講法,相反一味叫病人食強勁特效藥同多d休息就算.
3) 食左奶粉bb會好瞓係正常的,因為奶粉食幾多睇得到,而且奶粉較難消化,bb用了精力去消化,咁就當然會好瞓d.
4) 因為妳曾經病過,及停過餵哺,身體會以為妳的bb吾再食人奶,佢咪就造少d囉.妳要頻d餵佢,飲多d湯水,會有幫助的.
5) 乳腺炎會有紅,腫,脤,痛等徵狀,兼且媽媽會發燒的.不過,就是乳腺炎,媽咪都可以繼續餵人奶的.
6) 有時,bb到了兩個零月,佢地會八卦,食奶時兩頭郁都吾定.如果佢係咁,妳吾好任得佢含住乳頭係咁兩頭擰,咁會好易俾佢扯損妳架.
7) 泵出來的奶量係吾等同身體入面既奶量架.吾好俾佢嚇親自己啊.事關同妳選既泵,與及適吾適合妳都有關係架.
8) 我個人都覺得,媽媽的心情同休息時間是最有助上奶的原素.唯有自己放鬆d,做到幾多咪算幾多囉.咁樣,可能會有更好表現架!
我與及我所認識餵母乳的媽媽們,大多數都經歷過不同的困難.成功也是捱過來+堅持過來的.希望妳能放鬆自己,重新整理心情,又就嘗試過.因為餵哺bb起初的困難,更令我們享受順利之後的成果.祝妳能順利過度這關口. 
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我個仔仔就黎2個月大, 之前每晚飲1支5安奶粉, 其餘我都係埋身餵. 不過次次仔仔都啜到我好痛, 個乳頭成日損左, 加上唔知我奶量係咪唔夠, 我次次比佢飲半個鐘, 隔半個鐘至1個鐘又要再飲. 我初初都有問健康院d姑娘, 不過我覺得佢唔想教咁, 佢話我抱既姿勢岩, 我話bb啜到我好痛, 個姑娘話正常. 我間健康院話就話有餵哺小組, 我話想join, d姑娘都唔理我.
我早幾日發燒, 去睇醫生, 醫生話我感冒, 仲話唔可以餵人奶, 咁仔仔個幾日餐餐飲奶粉, 而家開始餵返人奶, 不過佢一係食極唔夠, 一係唔多想啜, 好多時唅住我個乳頭向後扯, 真係痛到入心入肺. 所以而家飲完人奶我都會補奶粉. 之前佢餐餐奶粉, 飲完之後個樣真係好滿足, 瞓得又好,相反飲人奶就食極都唔飽, 內心真係好矛盾, 真係好想放棄
到我睇返d小冊子, 我覺得我應該乳線炎, 因為個乳房刺痛, 好似比針吉咁.
我有用奶泵泵奶, 泵極都係得1-2安. 我覺得自己都算餵得密, 同埋日日飲魚湯, 都唔知點解都係咁少奶, 如果真係乳線炎, 係咪真係有影響? 如果食藥之後好返, d奶會唔會多返? 另外, 成日聽人講要飲清, 其實咩叫清? 我bb飲完之後我用手擠出都仲有奶滴出. 同埋其實d奶應該係好似條水柱射出黎定一滴滴咁? 再另外, bb啜到我乳頭損左, 關唔關佢咀仔細?
我見好多人餵得好成功, 真係好羨慕. 可能生之前好堅持全人奶, 所以好大壓力, 我都好想餐餐亞仔飲我d奶會飽.