求救: 上晒奶, 但乳線未通, 而家好谷, 點樣算

謝謝各位,
我而家好好多, 無咁塞, 多左奶柱, 好開心.
仍需努力增加奶柱, 因為餵大仔時, 係多好多既.

多謝大家.

nopan

你可以試試用白通草3錢, 王不流行一兩, 煲魚/豬腳湯, 有助通乳。
我餵了細仔約3個月後開始每10日便乳塞一次，每次發高燒，飲湯後便梭通, 連食數天便可痊癒。這情況約有兩個月，直到調理好身體才有改善。

你可加入按摩可加快康服及減輕閉塞情況。

多謝洋媽媽 同 stella既鼓勵,
我會努力, 比最好既食物bb.

我又無諗過可以輕輕摔乳頭
同埋, 我會試多d唔同既position.

謝謝您們.

只有3條乳線通左, 可能是個火車頭(i.e.乳頭)未開通, 試試用手指頭不時輕輕摔乳頭, 可增加乳頭部份刺激, 開通更多乳線, 同時配合用手擠及按摩/暖敷乳房..我餵細佬時都遇過您的情況, 上晒奶但只有幾條乳線通, 加油!!

千祈吾好以為轉了全泵就可以解決到依家既問題.相反個泵會比bb 食奶泵得更差.

生產第二胎,一般上奶情況會比第一次好.而bb 只得幾日人仔,每次吸食都只係食少少,所以妳有乳塞/谷奶的情況也是有可能的.

試下更換下抱bb 食奶的姿勢啦!如:攬球式/睡在床上餵/同bb 尖頭對腳瞓的方式,盡量讓bb 的下巴貼近妳有塞的部位.
餵之前飲些熱一點的飲品可幫助放鬆及出奶.按摩都係辦法,但係要忍得住痛.

祝妳路路暢通!