You are here討論區 / 3 - 5 個月寶寶 / 鑽石山荷里活廣場聯邦大酒樓 要求我去廁所餵奶
鑽石山荷里活廣場聯邦大酒樓 要求我去廁所餵奶
唔知點解D商場將換片的地方和餵奶的地方設計在一起,如果有人用緊就有排等,到自己了但覺唔好意思餵咁耐.如果每個商場的餵哺室好似健康院咁就好喇!
自從八年前我大女出世後, 我發覺我地人奶媽可以去0既地方好少, 每次出街前都要問定商場有無餵奶房提供, 如無的話...我都試過問人借試身室來用. 所以之後二女及細仔出世, 我每次都會自己帶定條餵奶布, 萬一無房用...我就會當場遮著照餵奶.. 
唉，香港嘅公共場所真係好唔方便我哋啲人奶媽媽！同日本真係差天同地！
雖然，而家多了很多商埸有育嬰室，不過，又真係有好多育嬰地方都係响廁所裡面，而且，很多人都會將換片同餵奶聯埋是BB的需要，故在同一個育嬰室裡面便可辦妥。
總之，在香港婦女要成功餵哺母乳，大家的支持、對母乳育嬰各方面的認知、設施上的配合，仍有一大段路要走，同志大家仍需努力！
agree, 可投訴他們要求你去廁所餵奶及態度不友善, 及強調換片地方不能稱為育嬰室.
不過, 以我所知, 該商場設有嬰兒專用育嬰間 (非在廁所內), 為何你不試試到該處餵奶? 若你向傳媒作出投訴, 他們也會提出同樣的質疑.
"Volunteers don't get paid, not because they're worthless, but because they're priceless!" - Sherry Anderson
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
收到以下意見：
19-4-09
約中午1時多
當時我的兒子想食奶，我問一名女待應鄧x蓮小姐借出新娘房以作餵人奶之用，她回應:「我地唔會借新娘房喎!」我再一次要求借用新娘房是因為兒子需要食人奶，我會很快完成。但她即時說:「無得借喎, 你要餵奶的話，可以去廁所餵囉~」當時我真的覺得很委屈。
我再請一名男經理幫忙，他的回應是:「我地唔可以借用新娘房，你可以到商埸育嬰室，因為新娘房前己經有客人坐著。」他亦有帶我看新娘房前有兩圍枱，如果要到新娘房是可以的，但要煩請客人借開。我對經理說:「你的員工叫我去廁所餵奶。你們有權唔借新娘房比我，但你無權叫我個仔去廁所食奶。我都無權叫你去廁所食飯!你即係歧視我地啫」。這位經理說:「我地無歧視你，你可以到商埸育嬰室，但其實好多育嬰地方都係响廁所裡面啦」這位經埋真沒有常識，換片的地方又點同餵奶室呢? 咁大人去廁所的地方係咪等於食飯的地方呀?
我真的好嬲，好委屈，跟住仲大喊咗一場。我地做奶媽的，面對咁多生理之苦都係想比最好的禮物比自己的孩子。但其實社會上我們仍然沒有被尊重，我唔知道以上兩位員工有沒有小朋友，如果我叫佢地的孩子到廁所吃飯，我唔知道佢地又會覺得點?
我明天會到平機會及報刋投訴，我知道機會好渺茫，但我都會試。我只想為食人奶的孩子和媽媽增取一個應有的尊重!!!