點解bb食極都好似唔夠

bb 大d,食既奶量亦自然會增加,咁係好正常.

其實,bb 初生的頭兩/三個月大都會好鐘意俾媽咪抱住.如果可以"銜"住媽咪既乳頭就仲好,咁會使佢地覺得安全同滿足.就好似響媽咪肚皮入面咁安全.所以話,我地餵人奶的媽咪吾單止滿足到bb 食奶既需要,同時都會滿足到佢地既心理需要架.故此,食人奶的bb 係吾使食奶咀的.因為媽媽的乳頭,已經滿足到佢地既需要!

我的個人經驗係,阿仔頭兩個星期成日瞓.但係兩個星期後,到足足三個月,佢都好似淨係識食,吾識瞓咁,係人都話我縱壞個仔.不過,吾知點解,到第四個月起,佢食/玩/瞓/醒既時間都好穩定,果時d人又話我阿仔好揍到不得了,判若兩B!

我也有同樣困難呢!bb肯埋身食, 但係好似成日食唔飽, 好快肚餓, 個半鐘又要食, 食30分鐘...我會努力日間埋身食, 但係太累時或出街前都要補40-60ml奶粉,泵奶又只得2oz, 使我覺得自己成日唔夠奶比bb食, 好失落...bb已有6週大, 仲好似越來越太食

Thank you! God Bless you!

BB現在36天大,平均每天吃8-9餐120ml,泵入奶瓶吃約有4次.泵一支奶大約15-20分鐘.用奶瓶餵BB大約2-3小時吃一次.埋身餵約個多小時一次,仲要係不停吸食約45-60分鍾,健康院的姑娘話不要給她吃咁耐但我都唔想,所以現在我會給好吃奶咀.每晚11時別一餐奶粉到3或4點再食.

我想keep住有奶所以堅持日間讓她埋身食.希望你能幫到我
謝謝

你bb有多大？用奶瓶時，因奶瓶出奶較快及省力，所以，bb會較快有飽肚的感覺。相反，埋身吃時，用的較多，有時出奶又不及奶瓶，加上，埋身的安全感是很大的，當bb吃得咁上下但又未真係夠飽時，都已經舒服到睡著了。

你可以在阿b想睡之前就弄醒佢，唔好俾佢吃一陣就睡。另外，你而家餵哺時間是如何的？泵一枝奶出來要多久？每天有幾多次用奶瓶？有沒有補奶粉等？可以提供多些資料，再同你分享。