You are here討論區 / 3 - 5 個月寶寶 / 好辛苦
好辛苦
多謝你哋咁多位嘅支持呀!
其實雖然有時會灰啲,但係我一定會堅持,我想餵到BB起碼一歲,或者有第二胎,真正幾時戒就睇情況。
講真,唔痛唔困難都餵咗咁耐喇,BB琴日足六個月喇!我會一直努力架!
其實我真係好享受每次同BB咁親密嘅接觸,而且為咗BB嘅健康,我真係唔捨得唔俾佢食呀!BB六個月前係全人奶,依家都開始學食固體喇,會輕鬆好多!
mrstin,其實我已經食少咗好多甜嘢架喇,因為第一次真菌感染就係因為生完情緒唔好食得太多甜嘢...同埋,我依家每日都食梁醫生俾嘅乳酸菌,加上健康院醫生開咗啲藥俾我食,已經好緊架喇!已經痛少咗好多喇!上次我有真菌嗰時,我每日都食三杯原味乳酪,只係梁醫生有乳酸菌俾我食,今次我就冇食乳酪(梁醫生都唔建議食牛奶製品的)。
ming,上次真菌感染時,我最後嗰個月就挨唔住,用泵有事嗰邊加埋身餵冇事嗰邊嘅方法餵,因為上次左邊我係少奶啲嘅,問題就唔係太大,但係有次都塞塞地,要埋身餵通返佢;但係今次就唔得喇!開頭損咗嗰時我已經試泵出嚟,但係因為損咗結焦,根本就泵唔到出嚟,我平時冇事嗰時,泵10分鐘就可以泵7、8安,但損咗之後泵半個鐘只係得2、3安,仲要泵唔到,乳線塞埋,冇耐就乳線炎...不過依家食緊藥,又教返好BB食得正確啲,已經好咗好多喇!
其實,真係好開心可以喺呢度同你哋傾訴,而且可以分享吓大家餵母乳嘅經驗,真係好開心!
不要灰心,在餵哺的道路上,好順利好順利的人不是太多的。我餵大女時,乳頭破損的問題都很嚴重,阿b一埋來個胸到,身體已有痛的感覺。我就好彩些,當阿女慢慢長大,個嘴仔大返些之後,破損的問題就沒有了。但隨後,因本身的問題,很容易就乳腺阻塞,成日塞到發燒又無奶,都一一挨過,都餵到阿女兩歲大。所以,你只係俾其他人多些少問題,亦令你對餵哺母乳有更多及更深的認識,到同阿b長大之後,回憶亦更加豐富,更可以同阿b分享你的經歷。
加油!首先一定要阿b的吸啜姿勢正確,以減少破損的機會。另,如你很易被真菌感染,你可以試下再check下,我知有一些自然療法的藥物是可以幫助增強你的抵抗力,令真菌感染的機會減低,但要確定餵奶是否也可食。另,印象中,乳酪都很有幫助的。你亦可以留意少吃太甜的食物,可能都有幫助。
不如你試下用奶泵, 泵d 奶出黎, 跟住用奶瓶餵bb, 唔好再埋身餵, 我之前都用呢個方法餵bb, 都好成功呀~
你都要努力呀
真的很佩服你!加油啊!
Richard妈咪
你真是一位非常偉大的母親,你的堅持同決心我好敬佩。
你為寶寶所做的種種,寶寶將來大咗一定會很愛錫你的。
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
BB兩個月大嗰時,左邊乳房真菌感染,醫足三個月,好返喇,好開心。
冇幾耐,BB每次食奶都食到我好痛好痛,最後兩邊nipples都損咗,之後仲要出埋血,BB吐出嚟嘅奶全部都係血,好嚇人!
好辛苦教返啱佢正確嘅咀型,但佢食右邊仍然好差,每每令到我痛到想喊,食得唔正確又損咗,當然容易乳管塞同埋受真菌感染,結果兩樣中晒,乳線炎發埋燒之後第二日,啲真菌就開始嚟搞我...
我只係想俾最好嘅BB啫,咁努力都唔放過我,唉...好灰...