母乳寶寶大便有黑絲

呀，仲有，我BB未食固體時係全人奶，最多試過10日冇大便，醫生話因為BB吸收晒啲人奶，所以冇嘢痾出嚟。

另外，醫生話可以試吓每次渣咁啲前奶出嚟，俾多啲後奶佢食，後奶"杰"啲，應該會多啲渣滓痾出嚟，但唔可以長期每次都係咁俾得太少前奶佢食，因為前奶有乳糖，如果太少會引致BB便秘。

醫生話如果BB每次痾出嚟都係軟身嘅，而BB又有屁放，咁即係話佢啲腸有郁動，咁就唔駛太擔心。

如果佢難痾便便，你可以試吓按摩吓佢個肚仔，方法係順時針放向圍住佢個肚臍打圈，同埋喺佢肚臍做"I LOVE U"按摩，方法係肚臍右邊寫個"I"字，然後喺肚臍上方寫個"L"字(BB角度睇嘅"L"，你按嗰時就即係順時針寫個"7"字)，最後肚臍左邊順時針寫個"U"字(都係BB角度睇係"U"字，你按嗰時"U"字係倒轉嘅)。

如果唔明我講乜，其實坊間有好多嬰兒按摩班，不妨都上吓，咁唔止可以有助BB痾得輕鬆啲，更可以解決你唔夠親子活動嘅問題啦！

努力呀！

我BB兩個多月大嘅時候，都試過大便有黑色點點，嗰時我就係nipples損咗，所以就有咁嘅情況，但係佢試過兩次係咁之後就冇喇！反而吐出嚟啲奶係血就試過幾次。

醫生話因為BB消化唔到我啲血，所以會從大便中排出，黑色點點就係血；而吐奶有血就係因為啲血腥，醫生話BB覺得反胃就吐咗出嚟。

其實我上個月去咗旅行8日，冇帶BB去，但係預早由知道去旅行開始就泵出嚟儲住，一個月儲咗四十幾包奶先安心出發，跟住BB喺嗰8日就係食我啲存貨，泵出嚟係就係煩啲，但係為咗BB好，煩啲都值架！

其實你可以返工嗰時谷就喺公司泵出嚟，返屋企就每餐都埋身餵，一來可以多啲親子時間，二來可以keep住有奶上，加上喺公司泵出嚟嗰啲奶，應該夠BB食架！再唔係唔想太辛苦，可以你唔喺屋企咪餵奶粉，返屋企就埋身囉！我表姐都係咁！

食人奶真係唔同好多架！比起奶粉好得多！你要努力呀！

講起黑便問題。嗰時我個囝2-3個月大時都試過大便帶血，都差唔多成個月，睇極醫生、做極化驗都唔知乜事。不過之後又唔知點解乜都冇做又冇事啦。

後尾我接解多咗先至發覺可能我食的食物(我懷疑係我每早飲的鮮奶)BB有敏感，所以搞到佢腸道有D出血反應。

嗰時我都係好矛呀，大便有血喎，可大可少。不過睇過一輪醫生又化驗完，醫生CONFIRM冇問題(只係唔知原因)，咁又冇惡化，咪唯有冷靜落黎，觀察住BB囉。就係咁樣，之後就冇事囉喎。

唔駛太擔心, bb會感謝你咁努力泵奶比佢飲, 他愛飲媽媽奶就是多謝你的表現啊. 有無可能有些時候轉為埋身餵? 埋身餵可以讓妳多些親子時間呢.

至於返工唔夠奶, 你可以現在開始建立人奶庫, 儲定貨, 返工時不用追奶追得那麼辛苦呀.

"Volunteers don't get paid, not because they're worthless, but because they're priceless!" - Sherry Anderson

我想放棄係因為泵奶真係好花時間, 令我少左時間同bb一齊, 成日要將佢交比工人睇同餵, 自己就對住一部死的機器.
加埋快要返工, 驚到時人奶唔夠食, 加奶粉加得太快時, 會影響bb腸胃.
我自責係因為仲未知佢的黑絲大便係乜, 擔心係我的人奶或奶樽/泵奶用具不潔引致.
上黎呢個網站, 係因為想找一些人奶媽咪的支持. 謝謝你地咁迅速的回應.

既然一日當中,BB 仍然以妳的人奶為主要食量,怎麼就想完全放棄啫.
我有時都勸D 想轉全奶粉的媽咪,既然人奶係好野,就當係補品咁BB 食囉. 有一餐算一餐好,食得一日多一日進補,何需咁決絕斷晒佢呢?

講到戒口,醫院入面好多姑娘都話,其實吾洗點戒口,什麼辛辣,咖哩的,人家南亞婦女不也天天吃這些?
我見過一些大陸來港產子的農村婦,我們廣東/香港人人都話食的上奶食品,她們家鄉聽都未聽過,望到都吾敢食.她們就一味食雞蛋,來作產後補品及上奶食品. 咪理,佢地又真係好多奶喎. 所以,餵奶成功與否,其實跟食物關係不大.最大的條件是心理質素好!

咁你又唔好咁自責，你已經做得好好！人奶對BB 好好，唔會辛苦佢㗎。

哺乳圍巾，送禮自用皆宜，所有收益撥捐推廣母乳，歡迎選購。

乳頭的確有少少損, 但未見有血. 我之前泵成個鐘先收手, 呢兩個星期學乖左, 最多30至45分鐘.
佢大便的質地是軟的, 很糊而且多.
佢今日已經係第三日未有便便, 我希望睇埋今次, 如果再有黑絲, 我會帶佢去睇兒科同埋驗下黑絲係乜野.
雖知食人奶好處多, 但泵奶器具清洗工序之繁複, 又要將人奶由凍甚至冰變暖, 做阿媽又要食野好小心, 唉! 我真係覺得餵人奶不易. 雖然我已堅持左咁耐(之前其實一日6至7餐中加左一餐奶粉咁大把), 但有時灰心起黎真係好想放棄, 好似仲辛苦左個b咁!

你是泵出來餵，有沒有驗查你的乳頭有沒有破損？
如以成人來說，有黑便是因腸或胃有出血的情況。當然，你阿b未必係，不過，你話佢便便得很辛苦，那大便的質地是軟定硬？如又軟但都便得很辛苦，我都係建議你帶阿b睇多個兒科醫生為上。