You are here討論區 / 早產及0 - 2 個月寶寶 / 儲奶問題
儲奶問題
你好,
你想儲奶返工用泵多D係正常,但姑娘講嘅野亦有佢嘅道理只係佢冇解釋清楚。
1)如果你每次埋身BB食一邊你泵另一邊其實唔會令BB食後奶太少,但如果你埋左身果邊都有泵,身體會做過多奶令BB埋身食時食太多前奶。
2)而家你嘅量已經係好多,要考慮如果返工唔可以泵咁多次奶時就好容易谷奶同塞。同埋返工後始終埋身會少左,塞左就較難解決。
3)如果你返工可以有時間泵奶,一般做儲備其實有幾日嘅量已經夠。太多奶BB飲唔哂其實幾浪費。人奶會因應BB長大而成份有少少改變,所以必要時先用冰奶。同埋有D BB唔太鍾意食冰奶架,你儲咁多佢食唔哂就白費你心機喇。
你而家咁多奶可以慢慢減,如果平時泵到4安你泵3安就停,持續幾日又減一安...返工前兩星期開始模疑返工嘅泵奶時間表等身體適應下。
Vicky
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
BB 兩個月大, 3個中食一次奶, 如用奶瓶每次食差不多4安.
基本上食一邊可飽, 之後我會PUMP 另一邊及泵清BB食個邊來儲, 兩邊計埋可泵到約3安.
如果我沒有埋身個餐兩邊可泵到4-5安. 如果係零晨時份, 餵完BB一邊後兩邊計埋有時可泵到5-6安, 因為我發現BB 零晨食少少就訓了.
我一日泵2-3次,前幾日返健康院姑娘話我泵太多,儲太多, 怕BB 食不到後奶. 我聽了後十分困擾, 我是真的泵太多了嗎? 但就快返工, 如果到時有壓力唔慣以至奶量下跌怎麼辦? 多奶總比少奶好吧? 如果到時返工真的SETTLE 再泵少D 可以嗎?
而且BB 的大便也有渣, 表示她應該食到後奶了, 體重也在50 percentile.
很想你告知我是否做錯了, 真的泵太多嗎?
這幾天因為姑娘的說話, 我不敢泵太多了, 只泵BB沒有食個邊, 但如果佢食完個邊我仲有脹我會泵埋佢食左個邊, 因為我唔想塞.
另外很多謝你幫我地D媽媽解答那麼多問題. 辛苦了.