要點先可以知道BB要食奶或是要媽媽奶咀呢?

BB只有42日,佢每次隔一陣又醒而且每次起來都要找食.但很奇怪食完之後都會嘔奶架, 所以我都分唔到佢係飽定係要媽媽奶咀頭!!

我上星期開始都有比假奶咀佢啜,但佢唔要仲哭得好勵害. 所以我只好keep住比佢食媽媽奶咀,否則佢就唔肯訓. (無辦法之計)

Mrstin我想問妳個囡係食邊個品牌嘅假奶咀呢 ??

你BB有幾大？如果你在開始餵時，乳房都明顯係漲，餵完之後已鬆些，及可以兩邊都餵埋。然後，再睇下阿B會否隔一陣又醒及是否可以熟睡等，同時，留意埋他的濕尿片是否夠數(起碼每天有5條重手的)，如三樣都唔OK，那就有可能阿B是真的吃不飽。相反，便要找人肉奶咀為多了。

我大女細時都係咁，不停要食，食到都嘔奶。原來佢只係想吸啜，唔係真想食奶，後來，俾了個假奶咀佢啜(如你阿B未滿月，用了怕引起乳頭混淆)，就大家都舒服一些了。不過，她都好快，未夠3個月就自己唔要個假奶咀了。

頭1-2個月會食得密d, 會在2小時左右一餐。

每次用餐都觀察bb是否有吞食的動，睡著便要弄醒他，要他繼續食，弄也不醒或吸啜無力便是食飽。

無力是飲不到人奶的，便讓他睡吧。

冇話實幾多個鐘架，總之就feed on demand，佢要食你就俾佢食。

嗰時d老人家教我，用隻手指掂一掂佢個咀仔，如果佢有覓食的動作，即口mark mark仲想啜你隻手指，咁就係肚餓架啦。

以前姑娘教，留意BB 有無吞口水的動作。

哺乳圍巾，送禮自用皆宜，所有收益撥捐推廣母乳，歡迎選購。