You are here討論區 / 3 - 5 個月寶寶 / 小B唔食我D奶

小B唔食我D奶

2014/06/23/ - 10:24

hamomama

Member: 5064

Joined: 2014-06-16

列印版本

我是在職媽咪, 產假時埋身全人奶, 每餐要食三十分鐘以上(因時常食食下訓著)。
小B 兩個月時開始復工, 因泵奶量偏少*, 只好補奶粉, 每晚放工後親餵。
小B 現在四個月, 今星期開始食奶時我感覺到他有少少轉變, 例如他會不專心, 眼仔碌碌四圍望, 拗頸向後, 啜幾口就離口
這兩天, 但最令我擔心是他離口幾次之後就會喊, 然後拒絕再啜。這情況通常發生在食了十分鐘之後, 由於他平常要食三十分鐘以上才夠, 加上他持續發出肚餓的喊聲, 所以我轉邊餵, 雖然一開始小B 有努力大口大口啜, 但不久後又和先前那邊差不多情況

其實我有參考網站內提供的建議做法, 但行不通, 結果和小B 抗衡到廿零分鐘左右, 見他離口出來沒有大哭, 我便當完成... 唉.... 當然"這一餐"不似之前可以維持到三小時飽肚感, 不久又肚餓哭哭啼啼了......

另外, 小B 外婆負責揍小B, 近日發覺小B 不肯食我泵番屋企的人奶, 啜了奶樽試到味後就大哭, 外婆見狀便開奶粉, 小B 就乖乖食
Q: 究竟小B會不會已經不喜歡人奶的味道? 好傷心呀 >.< 怎樣可以過渡這個艱難時期呢?

* 小B已經每餐食5-6安, 但我番工時拼力用雙泵泵兩次, 每次大約得3安。我有請教過母乳專員, 她看過我乳腺是很幼, 所以她說我應該泵不出好多奶 (另一傷心點T_____T)

列印版本

2014/06/24/ - 00:27

Vicky Tsang

Member: 4918

Joined: 2014-03-17

你好, 同時面對幾個問題，你要加油呀! 首先BB3-4個月

你好,
同時面對幾個問題，你要加油呀!
首先BB3-4個月好多時因為對外界有興趣而"八卦"，甚至可以只顧玩食少少就夠。試下佢眼訓時埋身，通常會較願意啜。
明明肚餓食一陣又唔願食呢個問題通常係因為用慣奶樽懶啜，你可以試下佢開始唔想啜時擠壓乳房等D奶出快D吸引佢繼續啜，詳細可以參考http://www.breastfeeding.org.hk/book/160
呢個時段最好多埋身，即使佢食密左都照埋身，一黎等佢知道你起度就要埋身，你唔起度先用奶樽。佢地好叻，試過幾次埋身唔食扭一陣就有奶樽佢次次都會咁做。另外多埋身亦可以幫你刺激奶量。如果必要時補左奶粉，你都要泵番奶等身體知道要做奶。
唔食人奶食奶粉問題你要同屋企人溝通下，呢個係引申到日後食固體及管教問題。奶粉好甜好濃味，如果家人因為佢唔鍾意食人奶就餵奶粉，咁第日就會用咁嘅方式去偏食。
奶量問題，你所講"母乳專員"係咩機構?佢用咩方法檢查到你乳線幼?以我所知就算用超聲波都睇唔到乳線粗/幼、多/少。大部份媽媽泵唔到多奶係因為泵奶效果唔好(有奶泵唔出)而唔係奶量唔夠。你可以試下自已刺激噴奶反射，方法可以參考http://www.breastfeeding.org.hk/faq/75
你要努力，BB過多2個月開始食固體就會輕鬆少少架喇!