好想堅持，但唔夠奶

我以前返工如果果日早餵完，我會返到公司9點開工前泵一次。如果真係泵唔到，你去洗手間手擠少少出黎（唔多我會自己飲左佢），你放咁d奶身體先知要繼續做。
加油！

Vicky

如果bb 唔駛再飲夜奶，係咪都要起身泵比較好？

Vicky thanks~~～ 因為返工只可以lunch 先泵，所以冇計><～～0630 餵完要13：30先先泵到～
係屋企會4個hr 內泵或者餵，但通常3hr 泵得2安左右，上得好慢。。。＞＜

如果3個月左右每日埋身+泵4-5次較少，盡可能bb食幾多次你就餵/泵幾多次，唔好超過4個鐘泵/餵一次。如果補左奶粉時冇泵番身體就唔知原來bb要多d奶就愈做愈少架喇。

返工的話埋身加泵4-5次，放假就會多d， 但有時可能3安都冇。。。
補奶粉係我老公怕我埋身餵唔夠，所以補，
同埋佢有時都會頭拎拎咁， 一補奶，就好似好餓咁啜得好快

如果你泵有3安，埋身佢吸啜啱嘅會飲到更多，但有冇6安就答唔到你。
想問下而家埋完身係佢食完兩邊仲頭拎拎揾食所以要補奶？
你一日總共泵+餵（埋身）幾多次奶？

媽媽飲食均衡就足夠，唔需要額外食維他命。

我想問下要唔要維他命丸架？

thanks Vicky, 仲有少少問題想問。 因為bb 輕， 最低條線都未到， 實在worry。 我想問如果我泵出黎二邊得三安，如果埋身餵，其實係咪bb 唔夠飽？ 因為佢係食6安。 同埋有時我埋身咗成粒鐘再補奶，開3－4安佢都會食晒。。。。。

琴晚老公又叫俾多餐奶粉佢，聽到真係唔開心架， 因為係媽咪溱已經食二餐奶粉，我自己溱返就埋身／泵出黎俾佢。

其實我咁的情況，係咪應該每餐埋身後都補奶俾佢呢？thankssss

每次餵一邊定兩邊乳房冇規定，如果佢飲一邊飲到乳房已經軟哂，佢又好忟你就可以比另一邊佢。如果乳房已經鬆軟，前後奶佢都已經飲到。

我每次都係二邊餵，到而家埋身餵，都未識睇bb 飽唔飽，有時我見佢訓咗就冇餵啦。
有時食食下佢好唔耐煩係咁郁，俾佢食又唔食，但轉咗另一邊就勁啜，其實係咪原先個邊已經冇乜奶呢？
我又怕佢淨係食到前奶，唔夠後奶

要睇番你個冰袋，如果你驚唔夠凍可以另外加冰種架。就算有其他食物你都可雪奶，再保險d揾個袋裝住d奶同奶放最上層。

Vicky, thanks r ~其實佢知人奶係好啲，但可能真係怕bb 食唔飽，而家開始返工啦～ 只係得lunch 可以泵，跟住放工bb 未夠鐘食就泵。

我想問下如果我泵完放係普通雪格，放工攞返，用保冷袋加冰袋可以放幾耐？因為我會去媽媽屋企，但佢個雪櫃放好多食物，唔敢放啲奶入去。

Bb輕磅媽媽壓力會仲大，你要明白bb重唔重、肥定瘦主要係睇遺傳同佢自己吸唔吸收，同一個媽媽餵兩個bb都會一肥一瘦，最緊要係佢健康。
你可以試下餵一邊等佢飲到自己甩咀（食飽），如果超過30分鐘就轉另一邊，咁可以食多d後奶架。
老公方面同佢溝通多d，表明你自己立場想繼續餵，相信佢都係錫bb驚佢太輕，有d資料可能佢唔知你要幫手俾佢（eg，bb食人奶會健康d，易d吸收。。。http://www.breastfeeding.org.hk/why_breast_is_best）
加油呀！

Vicky, 好多謝你呀～ 睇完你的commnet 舒服好多～～老公都唔想我餵人奶bb 出世輕架得5lb 7, 我見第一個月有8lb3，第二個月就多埋身餵，但點知重咗得少，低過最低生長線， 我都有留意有6－7漯片， 姑娘話可能佢食後奶唔夠， 因為我係每邊餵20mins 。

最有效嘅增奶方法係埋完身再泵，就算冇奶出都泵多10－15分鐘等身體知要多d奶。－－＞我會試下架啦，我平時一見冇奶就會轉第二邊泵。

同埋有時出街要隔成5－6個鐘先泵到。

老公成日想全奶粉俾bb，我明佢想bb 重快d，佢認為我返工就會放棄，有時都會令我唔開心。
但係到同你傾咗舒服好多,我會努力！！

你好，
請問bb出世時幾重？如果bb出世已經輕磅，有時候好難起1－2個月內追番咁多，所以主要睇佢係唔係跟緊自己生長線增長。
如果要補奶（無論人奶定奶粉），最好係先埋身再補奶，如果佢你先俾用樽俾人奶／奶粉再埋第身，好多時佢已經食到半飽埋身就會冇動力食（唔願啜）。
好明白媽媽擔心唔知bb埋身食到幾多，又唔知自己夠唔夠奶，但有樣野你一定要明白係泵出黎一定比埋身少好多。佢埋身有冇食到奶主要睇佢有冇濕片，唔好用食幾耐去睇，因為每個媽媽出奶追速度唔同、bb吸啜又唔同。
最有效嘅增奶方法係埋完身再泵，就算冇奶出都泵多10－15分鐘等身體知要多d奶。
媽媽你要加油，唔好俾咁大壓力自己，壓力都會影響做奶同出奶，bb under weight唔一定完全因為你，仲要睇遺傳同佢吸唔吸收，奶飲奶粉嘅bb都會輕磅。
另外，泵奶刺激冇埋身咁好，你要自己引奶陣，我嘅經驗引奶陣可以多1－3安奶架！
可以參考http://www.breastfeeding.org.hk/faq/75