每邊只食4-6分鐘就食清晒，有沒有問題?

列印版本

睇完一篇討論有媽媽分享"BB瘦，很多人叫我改餵奶粉。"真係喊左出黎!
好身同感受。
餵人奶本身其實唔困難，為左BB密密泵密密餵係做得到。
最難既係人地唔支持，同埋同屋企人夾點餵BB，我又唔係可以決定點餵就點餵，要開會、討論、說服、妥協、諗過第二D方法..加上餵B少左時間做家務又成日暱係房又會比人話...真係好難好難..

我都有時會懷疑自己有無做錯..但係同屋企人講驚BB唔夠飽佢地第一句就話補奶粉，我想知道我真係比唔夠佢先加，請問大家可唔可以解答吓我既疑慮??

BB仲有一星期就5個月，一直都是全母乳。
由佢4個月開始跟以下時間表，
每日我返工前7點埋身，
之後11點同3點由奶奶餵我前一天泵既人奶，
分別180ML及160ML，
之後收工返屋企夜晚8點同12點半埋身。
共5餐。

由於BB每次食完一邊都好似仲想食，
我會比埋另一邊，
到依家習慣點都食晒兩邊，
而食晒之後我再泵清，
泵半個鐘都只係得唔夠10ML。

BB無喊要食，
可以食完8點o個餐開始瞓，到12點半我叫醒，
食完再瞓到第二朝7點我再叫醒。

4個月時5.48KG，之後無再磅，
所以唔知依家咁食佢有無重得唔好。

問題1:
我這些方法做對嗎?
BB好瘦..瘦到肚仔見骨，令我好擔心。
奶樽同埋身都係好似永遠無比佢食飽到唔食咁..
次次都係無所以唔比..

問題2:
11點及3點食完奶樽BB仲係想食咁樣係咁啜，
但唔比佢佢無問題，
到到下餐都無喊食，
要加奶量嗎?

問題3:
埋身時BB每邊食4-6分鐘就食晒，食咁快正唔正常?
我擔心係太少奶好快食晒..佢食完兩邊都好似仲可以食咁，
但係我無補其他雪奶或者奶粉比佢，
佢又可以到下餐都無喊食、一覺瞓到第二朝。

問題4:
BB上星期開始埋身食奶時頭向後扯，
手仔按住我心口好似推開我咁，
係食到..
但係我有D痛..
有無辦法糾正返?

問題5:
我返工會泵三次奶，每次大約100ML
追唔到依家佢要食既奶量，
我用之前儲落既儲備補，
用晒之後點做好?
要半夜起身泵奶嗎?

問題6:
每次叫醒BB食奶佢都好似好辛苦好想瞓咁，
但係都係會食晒，
我咁做會會唔好?
定係由佢瞓? 試過幾次佢凌晨3、4點會喊醒
咁第二日D時間就亂晒，
我都唔知應該點餵好..

謝謝大家幫忙解答