妳們覺得湊仔是苦多還是樂多?
我亞b現在8個月大啦!我都是冇工人,冇人幫, 全部野都要自己做! 雖然係辛苦, 真係仲辛苦過返工好多! 但是真係好開心, 可以時常見到bb, 睇住佢每日的長大!
我非常佩服全職媽媽, 特別是沒有請工人的, 我星期日湊一日仔已經感受到箇中辛酸, 真係返工都無咁辛苦.
"Volunteers don't get paid, not because they're worthless, but because they're priceless!" - Sherry Anderson
係呀! 我EQ 都算得吾高,最緊要係湊啱個吾百厭,吾爛湊既bb 至可能享受到咋.
Sorry, 我吾係話歧視百厭星. 只不過,以我既 EQ,我會頂佢地吾順啫. 我會想辦法逃避都吾定.
我都好彩有工人幫忙做家務.佢一d都吾勤力,嚴格黎講,佢仲幾懶散.不過,我都係要多謝佢.因為,係有佢幫手,我至可以全天候去照顧自己既仔仔,與及有咁多親子時間.我好珍惜同阿仔一齊既時間架!
尤其阿仔吾多算百厭,所以,我覺得湊仔係樂多過苦既.
我都係冇工人，但就好彩有奶奶中午同黃昏時間過黎幫我睇住個仔，等我可以煮飯。
個仔細嗰時真係行開一步都驚架，到佢越來越大，知道乜嘢搞得、乜嘢唔搞得，仲識得獨處吓，咁先至好d咋。
至於湊仔，其實真係好辛苦，日日同佢鬥智鬥力，真係少d energy都唔得。所以最怕就係自己病的時候，軟手軟腳都唔知點算。
我冇工人, 全部, 所有野, 都係我做 (老公間中都有幫少少手既),
我覺得比我事前想像既更辛苦呀!
我覺得頭果大半年都係 "苦" 多,
阿仔 9-10 個月開始, "樂" 先至越黎越多~
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我家有工人,除了買餸湊仔,其他工作交晒俾工人.那麼,我頂多是個全職湊仔的半職媽咪.
好彩有工人,我才可以好好享受湊仔的樂趣.要不然,這邊煮飯炒菜,那邊阿仔拉屎,我應該顧邊樣先呢?
如果要考評,我想我多數是個吾合格的煮婦.不過,我對湊仔都還算得上稱職啫!