BB埋身食得太密及睡眠問題

列印版本

(唔好意思,內文較長)

BB現在差不多三個半月大, 我是全職媽媽, 最初期未上奶就半人奶半奶粉,兩個月就開始全人奶, 並每餐都埋身餵。
但有兩個問題一直好困擾我, 希望有幹事義工們或其他媽媽們可以幫幫我!謝謝!

(1) BB由出世開始已好大食,未出院已經食到90ml(當時未上奶食奶粉)。之後未滿月已經可以食150ml。但最苦惱的問題是,BB好快就肚餓,基本上一直唯持2個鐘食一次,直至今日仍然一樣! 我聽好多媽媽講,要多奶就要密密啜, 我已經有咁做, 每餐佢食半個鐘食到離口, 諗住佢飽, 但每次好準時2個鐘後就要食!(有時誇張到一個鐘又要食)
最近比佢啜到痛, 又好似無乜奶,佢食到發脾氣 但我好唔想補奶粉,我應該點做好?
佢每日都有至少7-8條濕片, 2-3次便便,生長線keep住有60,70。
我想問, 點先可以令佢隔長d 時間先食一次呢? 我幾乎無得休息, 真係好累!

(2) BB仲未戒夜奶, 晚晚3個鐘要起身要食, 佢唔係口痕, 佢真係會食, 起碼食15分鐘以上, 之後訓返2個鐘就醒又要食, 然後1個鐘又起身......晚晚如是。
我BB的情況,是不是好難戒到夜奶?

補充一點, 我發現BB完全符合「高需求寶寶」的特徵。