You are here討論區 / 早產及0 - 2 個月寶寶 / HELP!! 奶量極少+BB不肯埋身
HELP!! 奶量極少+BB不肯埋身
hayleymami您好！
BB剛出世甚麼都不會，現在BB不會食奶，你就要教BB。慢慢教，因BB 最需要媽媽的愛心和耐性。
製造母乳的機制是「需求越多，供應越多」，多奶三寶是：「頻繁餵哺、充足休息、輕鬆心情」，故此，以下有幾項事你需要注意：
1. 你可以每次都先親身餵母乳，約兩小時左右先餵母乳，多增加和BB 的肌膚接觸，例如讓BB 的手手腳腳貼住自己的身體，媽媽的體溫可穩定BB 的情緒，餵奶前先擠一擠乳房有些少奶流出來，因BB太餓的話，無會耐性食母乳，繼而發脾氣哭。餵完母乳後，才補些少奶粉給BB，如果之前食過兩安奶粉一餐，那就補一安。若一天內的大小便次數足夠，那就可以連奶粉也不用補了，因為BB 已食夠母乳。
這樣做，一方面確保BB有時間學習吸吮乳房，另一方面BB吸吮乳房是最佳的增奶量方法，也可保證乳房有被刺激出奶。而且由於從奶樽食奶是易過吸吮乳房，先吸吮乳房後食奶樽，BB便不會因懶惰而不吮媽媽的乳房了。
此外，注意BB 吸吮姿勢是否正確(請看以下短片) ：
2. 避用安撫奶嘴
如果BB 喊想要安撫奶嘴，讓BB 吸吮乳房是最佳的安撫方法，多吸吮有助刺激奶量。
3. 避用奶樽
每次餵完奶後，如果需要補奶粉，改用已消毒的杯仔，如奶樽蓋，逐少逐少倒入BB 口中，BB 天生喜歡吸吮的，一旦沒有奶樽可吸，他會更喜歡吸吮媽媽的乳房。
4. 餵夜奶
晚間荷爾蒙分泌旺盛，餵夜奶十分刺激奶量。
希望幫到你!
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
BB一出世時有黃疸，我又未上奶，所以醫生要我用formula代替。一星期後黃疸好轉，但BB已經唔肯埋身哺乳。嘗試泵奶，當時每日都泵到40mL-50mL再加formula。過咗十二朝，中醫要我補身而要我停止泵奶（佢話我食中藥＆補品啲奶唔可以比BB飲）,所以停止泵奶全部餵formula。
係BB個半月大我已停用中藥，嘗試開始泵奶，但奶量激減，每天只泵到10-15mL。嘗試要BB埋身餵，BB一係喊＆唔肯啜，一係就求其啜半分鐘就唔肯繼續。現在BB兩個月大，我每次最多只泵到5mL。已經有飲谷奶嘅湯水。我每日已經泵3次，每次每邊30分鐘。我有時可能每日只泵到一次。因為BB好黐身，所以要佢瞓咗先可以偷時間來泵奶。我越泵越小真係好絕望。係唔係代表我已經無希望餵母乳呢？