help, 想幫差唔多一個月bb戒啜乳頭訓覺

列印版本

咁多位媽媽好, 我係一位新手媽咪差唔多一個月, 我有一個難題想各位幫忙架~

我bb到左22號就足一個月, 我係餵人奶既, 我阿b唔知幾時有個壞習慣就係啜住我黎訓, 最長時間試過晚上10點啜到第二朝十點, 一放口就喊, 我好想幫佢戒甩佢所以睇到篇訓練BB自己訓覺既文章, 不過佢既首要條件係要確定bb已經食飽.......不過呢樣野我真係睇唔出呀, 護士話食飽就會有滿足既樣, 我bb每次離口都滿足到笑, 不過唔夠5分鐘佢又喊到好似好肚餓咁就唯有再比佢食, 不過食食下又訓, 離口又搵食........如事者食左個半鐘先停就可以放落床仔.......如果係咁樣, 想幫佢整時間表都有問題, 佢食咁慢(點郁點叫都係咁), 到下一餐時間餵佢都未食完上餐.....點搞好呀?!?! 佢不停啜已經搞到我分唔清佢係餓定過下癮, 亦唔知佢飽唔飽...有冇 人可以幫下我呀, 我已經比佢啜到損晒