法國醫院餵母乳
謝謝
到時我會試試的
試下入院時同姑娘講你想盡快餵BB,睇下佢地有無得配合。
我兩年幾前喺養和生,都係話得四個時段餵BB,尤其我試過晚黑想去餵奶房餵(因瞓唔着)但俾姑娘阻止,話BB瞓得咁好你唔好吵醒佢啦(我心諗咁我抱住佢瞓都得啩?)。
私院係咁嘅,但唔駛咁擔心,因我都係開刀生,果陣頭一日落唔到牀,但叫老公通傳都有姑娘推BB嚟牀邊俾我餵BB,只係時間只限日頭。可能晚黑佢地人手少,真係唔想話招呼咁多媽媽喺餵奶房。
若果想全人奶,醫院有好好嘅奶泵,盡量每餐餵完BB後(因BB多數食唔清D奶架)留喺餵奶房耐少少學泵奶,泵完俾姑娘,佢地會用嚟晚黑餵BB,唔夠先俾奶粉食嘅
同埋初生B好爛瞓,多數食食下瞓着,你咪泵出嚟先囉,交轉俾姑娘晚黑餵,唔好理多定少奶,喺醫院幾日係你休養嘅時間,日後出左院BB廿四小時叫你食,你想瞓多幾覺都難
日頭多泵多埋身餵,頭幾日食過奶粉嘅BB唔代表返屋企唔會食人奶嘅,放鬆心情就OK架喇!
teresa
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
我將8月4是入院開刀生BB
看資料,餵奶時間只有4個時段
在其他討論區看到同樣在法國醫院生BB的媽媽說只有5分鐘時間餵奶,之後便會被姑娘催促。
另外我知道餵母乳最少一日要8次,但醫院只有4次時段,其餘時段醫院的姑娘會用奶咀餵BB(餵奶粉),令到BB不肯埋身飲奶。
我可以怎樣做?因為我不想BB飲奶粉。