You are here討論區 / 早產及0 - 2 個月寶寶 / BB飲人奶方法錯左..好氣餒...

BB飲人奶方法錯左..好氣餒...

2012/06/14/ - 04:17

conmepig

Member: 3256

Joined: 2012-06-14

列印版本

BB 依家兩周大..一直都埋身餵...只係試過幾次用奶樽...
佢體重升得OK...但最近發現佢飲左胸飲到氣喘...又嘔奶...仲有肚風..
去健康院見完姑娘..姑娘話可能佢有乳頭混淆..佢飲完我個奶頭會扁的..
因為之前試過俾佢飲奶樽(扁咀)...去學過餵奶姑娘教完之後..
原來右胸其實都一直用緊錯既方法啜...
BB 學完之後..返到去左胸一直都KEEP 住用岩既方法...
但左右咁飲多幾次..佢又唔記得左..用返錯既方法..我嘗試過係佢錯既時候拎開...試左成粒鐘..都係唔得..我怕佢餓..由佢用錯既方法繼續啜...依家兩個奶頭都好痛...下次再去見健康院係佢滿月喇...我覺得好無助..唔知應該點...我好想KEEP 住埋身餵..但唔知應該點糾正佢...因為一開始就錯左..又俾奶樽佢飲..我睇過片..趁佢張開口個陣放入去..但佢個咀都係唔夠大...下巴都係掂唔到..叫過老公幫手..都係失敗..同埋好多時佢都會爭扎...再咁錯落去..佢會唔會唔識糾正返架?? 同埋會唔會因為方法錯左..慢慢會無奶??個種失敗既感覺..攪到我忍唔住喊...想問下有無解決方法啊??

列印版本

2012/06/17/ - 13:18

洋洋媽

Member: 9

Joined: 2008-07-07

conmepig, 1)

conmepig,

1) 哺乳初期乳頭破損係普遍的.但係亦吾應該忽視.因為有可能係bb食得吾啱.就算媽咪死忍,都吾代表bb食得到、食得啱.
2) 但依家妳bb重磅幾好,有榭會係妳既奶水多且急,令bb含住乳頭都食得好多奶.仲有機會因為吞奶過急而有肚風.
3) 妳可以試用躺後餵既方法,減慢噴奶效果,bb扒在妳身上,咀仔會張得大d,下巴亦會貼到妳個身體.
4) 我初餵奶時,就死忍痛楚至阿仔兩個月大,增磅吾合格.直到專科姑娘教返啱方法,自己又要慢慢調教阿仔食奶既咀形,後來先至增到理想磅重.

曾有哺乳專家話,我地成人都吾會日日食罐頭,咁我地點可能期望bb食罐頭(奶粉)又能得到健康?
健康係一種投資,希望妳同先生都能在餵哺bb上加油啊!

2012/06/15/ - 10:28

ariesip

Member: 2834

Joined: 2012-01-04

咁會唔會係你多奶得滯佢飲唔切呢你可以比佢飲一半時間同佢掃風

咁會唔會係你多奶得滯佢飲唔切呢你可以比佢飲一半時間同佢掃風真係要"嗝"番淡氣出黎跟住再餵過再掃, 其實肚風係要過左一百日先好d 我個女個時個到成個交響樂咁係要勁掃風先掂或者你可以先泵左少少奶出黎唔好咁谷先餵

2012/06/15/ - 01:42

conmepig

Member: 3256

Joined: 2012-06-14

我有試過訓係度餵..但都係咁...我見佢一路飲..一路咀邊

我有試過訓係度餵..但都係咁...我見佢一路飲..一路咀邊有泡泡...今日飲完仲成日嘔返出黎...佢下唇有反出黎..但始終個口唔知係咪唔夠大呢..係我望唔到既另一邊...佢飲完拎開..會見到漏左好多奶...咁樣我知佢入左好多風...肚仔成日唔舒服...真係有衝動俾奶粉佢飲...用奶樽算...

2012/06/14/ - 10:53

ariesip

Member: 2834

Joined: 2012-01-04

建議訓係到餵咁會易D 不過小心唔好焗到個BB,

建議訓係到餵咁會易D 不過小心唔好焗到個BB, 你可以試下用個乳頭引佢可能要引幾次等佢個口最大個時, 你張個乳頭禁偏少少, 咁先生可以的話就幫幫手先抱住個BB(橫抱)等佢開口個時就即刻放佢埋你到, 咁你就可以檢查下佢個下唇有無反出黎, 如果無你可以用手幫一幫佢(不過佢都啜得幾實下你可能要用少少力)咁試多幾次比佢學番岩。BB 咁細個你要比D耐性去教佢唔好太緊張啦, 佢一定會學識既, 如果你餵奶個時都係咁 BB 會FEEL到佢都會緊張埋, 如果今餐唔夠飽咪下一餐早D餵囉又無人限時間既, 總之佢小便夠又夠精神就可以啦。唔好灰心呢到大把媽媽都經歷過, 一齊加油啦, 另外其實你未使返工就唔使用奶樽啦埋身餵仲好, 同埋可以刺激奶量又可以同BB CLOSE D