You are here討論區 / 早產及0 - 2 個月寶寶 / 個半月BB食奶問題 + 如何做番全人奶

個半月BB食奶問題 + 如何做番全人奶

2012/01/11/ - 17:41

gracehhy

Member: 2860

Joined: 2012-01-11

列印版本

BB現在個半月大, 大約8-9 lbs, 每餐食兩至三安奶.

本人現時餵輔方式:
中午至零晨 - 全埋身 (BB一至三個鐘食一次, 佢喊我至餵)
零晨至早上 - 補泵出來的人奶+奶粉 (多數三安, 佢喊至食, 唔喊就唔嘈醒佢, 多數三個幾四個鐘扭)
早上至中午 - 視乎精神狀況, 有時埋身, 有時補奶粉(多數兩安)
一日泵一至兩次到, 並唔係3個鐘泵一次, 只係有閒餘時間至泵出嚟.

左邊乳房比右邊乳房多奶, 試過瞓醒泵最多左邊3-4安, 右邊得1-2安.
如果BB未夠鐘食奶, 瞓醒泵的話大約3-4安(左右加埋)

BB喺零晨12至3`4點既食奶量很奇怪 - 食成3次, 平均一個鐘要食2-3安, 食完又唔瞓眼光光, 放低又喊.
我試過淨係埋身, 係完全唔夠, 係咁喊又唔瞓, 結果要補奶粉又要玩一輪至肯瞓.

尋日同今日下晏3-7點仲唔係好肯啜, 顧住瞓.
啱啱忍唔住叫醒佢, 但佢都係啜咗一陣應酬我就繼續瞓.

我覺得我奶量唔多, 成日都唔會乳房有少少谷既狀態, 有時仲懷疑自己唔夠奶比BB啜(因為手擠出嚟得個少少, 但係沖涼嗰陣試過擠係有奶柱的)...
係咪我下晏埋身餵得BB唔夠, 所以BB夜晚係咁食奶補數?
依家追極都追唔到奶.

試過通草+王不留煲湯飲過兩日上奶好咗, 三個鐘谷一次咁. 但唔飲又無.
依家日日魚湯了. 仲成日攞住杯水.

同埋有無方法可以做番全人奶?

列印版本

2012/01/14/ - 02:03

juliannachu

Member: 1032

Joined: 2010-04-14

我個囝出世時因為黃疸姑娘迫佢補奶粉，一個月後退左我就開始將

我個囝出世時因為黃疸姑娘迫佢補奶粉，一個月後退左我就開始將奶粉減少，囝囝2個月大時已經可以轉返全人奶，起初我都冇信心，因為當初補左奶粉上奶好難，但因為我決心一定要轉成全人奶，所以我唔理三七二十一都唔會加奶粉，一夠鐘就埋身，過渡期一過，BB適應到，就唔會食得咁密。加上BB喊都唔一定係肚餓姐，等如大人起身㢌夜尿有人比野你食，你係咪想食呀，可能BB想瞓又唔識自己瞓咪喊囉，縂之，要信自己就得架啦！