怎樣可以令人奶飽肚點

cheerywan您好！

你要返工嗎？要的話可擠出來儲起佢。不用返工的話則可免擠奶。

哺乳圍巾，送禮自用皆宜，所有收益撥捐推廣母乳，歡迎選購。

這幾天不知bb是否厭奶呢！佢只是食不足5分鐘，就不吃了。而餐與餐也可同往常2-3小時。我想問，我要泵奶保持奶量嗎？還是身體會自動調節到呢？

cheerywan您好！

BB食得密其實是好事來的，要多食奶才快高長大嘛！到BB 六個月大，可引進固體食物，再到了BB 有兩三歲，對奶的需求已減少，比較起來，頭六個月食的奶日子只屬人生好短的時間。

照咁睇，你的BB 可能是小食多餐型，好難去迫。

當BB 得到充足的熱量時會自己戒食夜奶，一般來講九個月大之前的BB 都會有食夜奶的需要。

如果奶樽轉過好多牌子，方法也不可行的話，可以用已消毒的杯仔或匙更餵奶。

希望幫到你。

Bb現差不多3個月了，我出奶情況也好了，奶色也多是白色。而且，bb食完亦似很滿足！但佢仍是2小時食一次，久不久都可以3小時，但機會不多可能1日有1次咁！而晚上10：00後，情況就好一點，多數可以3-4小時。
我想問
1•是否bb大食所以食咁密，我可否迫佢3小時才吃。不過佢喊得好利害，可以怎樣令佢耐d先食。
2•我什麼時候可以同佢介夜奶呢？佢現在晚上10：00\2：00\5：00多是這樣。
3•bb不肯食奶樽，每次食奶樽都只係食兩口，我可以怎做？我已試了不同奶咀也是差不多。有那款奶咀較soft？
謝謝幫忙！！

cheerywan您好！

前奶是給BB 解渴用，作用就好似我們食飽飯都會飲湯一樣，BB 都是需要食的。當媽媽有噴奶反應後，前奶的脂肪比例會漸漸增加，變成後奶，所以前奶後奶並不是一線之隔，可以說是沒辦法令比例改變。

BB 現在應該有兩個月吧，除了兩小時食奶一次之外，日常的生活作息是怎樣？不妨說明一下，讓我們作出合適的建議。

你好，bb食奶仍令我很苦惱！
Bb食5-10分鐘情況冇改善，我試下自己泵了前奶出來，咁等bb食時可以食到後奶，但我泵了好久，奶仍是半透明的。請問有沒有一些食物或方法令到出來的奶濃點或前奶少點的呢！
麻煩你！

人奶係點都唔會飽肚D架喇~

聽產前講座, 姑娘話,
有D動物, 好似 牛, 羚羊, 班馬 之類,
如果係野外, 一出世就要跟住族群走黎走去,
隨時要逃避獅子老虎, 冇得停低;
有D好似 兔仔, 田鼠 之類, 媽媽餵完一餐奶,
就要離開屋企出去搵食, 好耐先至返,
所以哩D動物既奶都好飽肚~

靈長類動物, 即係 猴子, 猩猩 果D, BB 會跟身,
媽媽走黎走去, 響樹上爬黎爬去,
懷抱裡面既 BB 識自己抓實媽媽既毛,
一覺肚餓隨時都可以食下奶, 所以佢地既奶係唔飽肚既,
因為佢地可以密密食, 食好多餐~

人類就係好似靈長類動物咁,
母乳既成份根本就預左你不必飽肚, 要密密食, 食好多餐~

cheerywan您好！

不是你的奶水有問題，而是BB 吃到睡著覺，半飽狀態，加上母乳易消化，所以會食得密。奶粉之所以覺得好似飽肚d，是因為奶粉難消化。

餵奶時BB 唔好著咁多衫，因為有媽媽抱住，成個暖爐咁樣，加上有得吸吮乳房，會好易令BB 食食下就睡著覺，穿少d 衫等佢無易睡覺。

其次當BB 睡著時，或開始吮得慢，無乜吞口水的動作，就同佢掃風，換換片、洗洗面、"R" 手掌或腳板、搓面豬"dum"、打圓圈搓背脊等等，要叫醒佢唔好睡著覺。如果BB 食一邊食到自動離口，可以餵另一邊比BB，如果食的話可以餵兩邊。

希望幫到你。