You are here討論區 / 早產及0 - 2 個月寶寶 / BB唔係好埋身, 是否需要戒奶樽 [急問]
BB唔係好埋身, 是否需要戒奶樽 [急問]
恭喜妳,又接近成功多d 喇!
吾應該單以埋身時間來衡量bb 是否食得夠. 最緊要係睇bb 食奶既時候,佢有無認真咁食,同係咪有效持續既吸啜.
好似上下唇返開含住媽媽部份乳暈,認真吸啜時面珠脹卜卜,有吞嚥動作.動作仲要係持續既.若果含住15分鐘,但係認真地食只得3分鐘,其他時間只係停左落黎或只係"梅吓梅吓"既,咁含一粒鐘都無用架.
如果佢以上都做得正確又有持續,咁食得15分鐘後,媽媽自己再擠一下乳暈,看看奶水是什麼顏色.若仲係好水好透明既,就係前奶,要俾bb 食到後奶(白色/奶白色)佢至會飽d架.
完全食清一邊後,bb 仲好似好想食,咪餵埋另一邊囉.
依家BB肯埋身, 咁毎次應該食幾耐呀? 同埋係咪要15分鐘就轉另一邊俾佢呀?
想bb 食人奶時吾抗拒,最好吾好等到佢真係好餓至餵.試下提前約半小時,整醒bb黎餵佢,既係瞓過,又吾太肚餓,咁至有興趣去學野架.
如果可以,埋身既次數增加返多幾次.於補奶粉時,盡量吾用奶樽,改用杯仔或匙羹仔餵.係會艱難d架(餵同食個個都會覺得),無咁易食得到,bb 就吾會一味等妳用奶樽餵.
希望妳成功!
你或者可以試試每次佢要食奶的時候都首先俾佢埋身食,因為顯然佢食得樽多,對埋身食有D抗拒,所以你喺佢最肚餓的時候,俾佢埋身食,成功的機會會大D。
當然要BB埋番身唔係一朝一夕,要俾D時間至得。
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
BB 出世時係全人奶, 佢肯埋身, 但我第五日先上到奶, 第三日開始補奶粉(用奶樽), 跟住BB又八院照燈兩日 (全奶粉)... 出院後開始試返, 但佢好似唔記得埋身係點啜, 我毎日都keep住俾佢埋身2-3次, 毎次15min, 但唔係次次成功, 同佢要試好耐先啱位, 啜幾啖又錯位, 要再嚟過, 同埋佢成日啜吓瞓...佢依家16日大
請問我可以點幫BB呀? 咁我係咪應該唔好再用奶樽? 我好想可以埋身餵...