快兩歲了，開心又擔心

我地當年嘗試要第一個 BB, 試一個月即成孕,
大仔 10 個月, 我有返月經,
大仔 1 歲, 我地想要第二個, 哩次試左九個月先成功,
一直都有餵人奶比大仔, 直至細仔出世之後, 兩個一齊餵~

有月經, 就代表可以再懷孕,
不過我覺得自己因為餵奶, 令經期較以前唔穩定,
比較難計中排卵日,
不過你可以試下用其他方法 check 排卵既~

REPLY steplim

請問一下, 我個囡囡依家差唔多三歲兩個月了, 我仲餵緊人奶, 我同老公亦都期待弟弟/妹妹出現, 努力了半年多亦未有喜訊.

見到你reply的內容, 腦海裡出現了疑問.
孩子剛出生, 全母乳後再排經, 不是表示已可以再懷孕嗎?
而且孩子三歲, 喝的奶已不多, 母乳餵哺真的會影響懷孕嗎?
望請解答.

太好了，得到你們的支持！我也覺得要待小朋友大一點才戒，只是同路人不多，偶有孤獨時刻。謝謝你們！

Hi Teresa,

先恭喜你可以餵你囡囡快廿二個月，雖然餵人奶一點也不易，但轉過頭就已經快兩年。你同囡囡之間的親近也只有你倆會體會到。

其實小朋友到兩歲後就好容易生病，而母乳也可以在佢生病時發揮母乳的功效。因此，我好建議媽媽可以餵到越耐越好。

別人的建議及好意就同以前一樣，不用太在意。只要有決心，便繼續努力做好自己認為應該要做之事。餵人奶真係一去不返，之後想餵都未必能再餵返。

本人也正是三歲時同囡囡戒奶，但其實你無特別原因，個人認為再餵下去也無況。我自己是因為想為囡囡再添多個弟弟妹妹，所以才決定在佢三歲生日那天同佢戒。

戒奶是否好難，其實係一個成長的經歷。我自己的做法係令佢知道自己大個囡，唔再係BB，佢大個咗可以做到另外一些事，而佢好希望自己可以大個，但大個咗，就唔可以再食奶奶。其實三歲的小朋友會明白，到最後係佢自己選擇。

努力加油!! 支持你餵到自然離乳~~~

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！

lovelyteresa您好！

唔覺唔覺就快兩歲了，BB 真大得快！還記得她在爸爸的懷抱裡睡覺的模樣。

是否真的要戒呢？這個問題，除了媽咪要問自己之外，也要徵詢小朋友的意見。哺乳的關係是母嬰互動的，嬰兒有需要，媽媽才會分泌母乳。若然你們倆都覺得現在無問題，是不需要刻意去戒，因為小朋友有天長大，她的需求會減少，的確有媽媽會餵到三四歲，不過也只是睡前吃一點。

所以，如果你們倆都喜歡和享受哺乳過程，那就順其自然吧。

你可以看看主席黎太如何讓兒子自然離乳：捨得？捨不得！

哺乳圍巾，送禮自用皆宜，所有收益撥捐推廣母乳，歡迎選購。