5個月寶寶, 可以埋返身餵食嗎?

Hi Eunice Wong,

媽媽可以全泵餵到囡囡5個半月大，真係唔容易。

之前選擇全泵，是否因埋身唔好或其他原因。

如果想埋身，第一要ｂｂ食得正確；第二是ｂｂ食完就先唔好補，等佢下一餐自己要求下再餵，佢肚餓係會食好ｄ。

食手指問題，其實係ｂｂ5個半月大要出牙仔，所以想放嘢入口內練習，唔好傷心，你要有耐性去教導ｂｂ唔可以放手仔入口。

認識有媽媽可以做到全泵超過三年，所以唔係唔可以餵耐ｄ，而且真係條路唔易行，每日花在泵奶的時間真係好長。

我自己就係埋身餵到三歲，開始時都有好多問題，不過媽媽和ｂｂ經過一段時間磨合，大家就會知道大家的需要。我也是一位在職媽媽（在家可以全埋身，而上班時就泵奶），也曾經有一段時間(約一星期），ｂｂ係突然唔埋身，但每日我都試下再埋身餵，之後ｂｂ又特然可以無事全埋身。

希望可以幫到你，努力加油～～～

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！