You are here討論區 / 早產及0 - 2 個月寶寶 / 人肉奶咀問題
人肉奶咀問題
clarinetmum您好！
BB 能自己離口或是睡著，然後醒來只食幾口，那似乎是已經食飽。哭叫可能是發現自己沒有大人抱著，沒有安全感，所以想人抱，因為如果未食飽的話，是會認真地吸吮乳房食奶。
BB 已有五週大，若是吸吮技術已純熟，使用安撫奶嘴也無妨，若唔想用安撫奶嘴，也可用抱住搖下BB，拍下pat pat 來安撫。
pig_mug您好！
首先要BB 食奶時保持清醒，不要食食下睡著覺，方法很簡單，食奶時不要穿那麼多衣服，只穿內衣和尿片，在媽媽的懷內不會著涼的。因為食奶時穿衣服太多，加上媽媽的體溫、心跳聲和吸吮乳房，這些都是最佳的催眠效果，少穿衣服會令BB 無咁易睡著覺。
另外，你也可以留意BB 的大小便次數來知道BB 有沒有食到足夠的奶，未滿月時一日能換到五至七條夠濕的尿片，二至五次便便，已能證明BB 食到足夠的奶。
另一方面，有些BB 食奶食到睡著覺，半小時再哭醒，若然會認真地食奶，那就是之前食不夠，若只是吮幾下，那可能是BB 需要大人的抱抱。
補奶粉搶住食是因為奶樽的奶嘴會將奶自動滴出來，BB 可以懶住食奶，若然增重理想，大小便次數足夠，是沒有必要補奶粉。母乳易吸收和易消化，所以初生BB 是需要頻繁食奶。
希望幫到你們。 
係呀, 我都有類似的問題, BB 佢吸一邊 (成日都見佢有吸啜的動作), 約15分鐘後, 就會自動鬆及瞓著, 即使再用乳頭引他, 都冇反應, 以為佢已經食飽啦.....點知, 半個鐘左右後, 佢又喊住要食....... 唉...........
試過幾次後, 以為一邊唔夠佢飽啦, 當完成一邊後, 就算佢瞓左, 都轉佢去另一邊, 哈, 可能當中轉位的過程整醒左佢, 佢又食喎, 不過, 情況都冇咩改善到, 餵多15 min 後, 佢又瞓, 但係慘就慘在都係半個鐘到佢又喊住要食......唉唉...........
唔係唔想餵全人奶呀, 不過, 真係做唔到餵就餵 45 min - 1hr (前前後後, 包括準備工夫), 只係last 到半個鐘, 剛剛去完個toilet/ 飲完杯水, 一坐低, 佢又喊到拆天咁
當補奶粉時, 佢又會搶住來吃...究竟係咩問題, 係我唔夠奶, 定係佢冇啜到 (懷疑佢只係開頭的時候有啜, 之後只係當奶咀咁 hea 住來啜), 還是佢唔識飽? 有咩問題呢?? 又有咩辦法呢?
佢已經係 22天的人仔了, 真係想襯住未返工前比多d 人奶佢呀!!
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我的BB差不多五週大,全人奶,有時候吃飽後(她自己鬆口或吃到睡著了)不久便喊要再吃,但再吃時只是間斷地輕輕的啜數下便又再入睡,幫她離口後便又醒要再吃.....有時會重覆4,5次才能真正睡著, 過程歷時1,2個小時.
家人建議BB吃飽後不久若想要再吃的話不如嘗試給她吃奶咀?
不知道怎樣可以改善情況及應否給她奶咀.謝謝.