食得算唔算密？

多謝幹事！明白了^^

Betterjo您好！

BB幾時先食一餐，要視乎BB 自己的個性，有些BB 會喜歡少食多餐，有些則喜歡大食少餐。通常滿月或六個星期大，你便會慢慢掌握到BB 的喊是肚餓還是想睡覺。

而且你可留意BB 食奶時係點，如果只食一陣後，吸吮速度減慢，口不會張得那麼大了，但仍保持頻密而較弱的吸吮動作，這稱之為「非養分性」(non-nutritive)吸吮，純粹為了滿足心理需要。

初生BB 需要吸吮的三大理由﹕
1. 肚子餓；
2. 口渴；
3. 安全感。

隨著BB 長大，「非養分性」的吸吮會減少。所以BB 食奶食得密的時間，在一生人時間來講，只得呢幾個月左右，要好好珍惜呀。

希望幫到你。

哺乳圍巾，送禮自用皆宜，所有收益撥捐推廣母乳，歡迎選購。

我會試下架喇！有時佢濁到一離口就整到佢一面都係，哈哈

BB 啜母乳的確唔會入風,
不過 BB 大喊, 都會食風入肚,
所以人奶 BB 不一定唔駛掃風,
你要觀察自己 BB 既表現~

我大仔當年都有食到濁親, 我自己既做法係:
1. 比阿仔啜一兩下
2. 乳頭開始有奶噴出, 即刻鬆開佢個口
3. 用紙巾按住乳頭, 就會停止噴奶
4. 唔噴, 就重新比阿仔啜

哩個方法, 我試左幾次,
阿仔就學識, 如果D奶太急, 佢就自己鬆口,
唔駛再濁親喇~

感謝回覆！咁通常幾大到會延遲食奶時間呢？會唔會兩三個月都食得咁密架？

Betterjo您好！

媽媽的乳房有彈性，BB 吸吮姿勢正確的話，幾乎是無縫入風，所以食母乳可不用掃風。

另外，奶水噴得太急令BB 吞唔切，解決方法有不要等到BB 好肚餓才餵奶，太肚餓食奶BB 狼吞虎咽會令噴奶反應加劇；
不要限制BB 吸吮時間，讓BB 自己離口；
換餵奶方法也可降低噴奶反應，例如你挨後，讓BB 伏在心口食奶，地心吸力可令奶噴得無咁急；
每次餵奶只餵一邊；下次才餵另一邊，減少刺激，令奶量略為減少。
這些方法可能要等幾日才見效，若然情況持續，可帶BB回健康院看看是否食奶姿勢不正確所致。

希望幫到你。

佢一曰都有至小二三條屎片，不過我左邊有噴奶情況，成日飲到佢瀆親，咁樣係咪易有風d?同埋係咪都要次次掃風？因為有時掃好耐都無gur

初生bb有時會食得好密，妳的密度很正常，最重要是看bb的訊號，一想食就餵。

便便方面在這個時期每日都會有兩三條片。不知有多久沒有便便？如有不適不能便便請立即去看醫生或去健康院檢查。

餵奶時可以先餵完一邊，再餵另一邊，看看吃不吃。

奶杰不杰與襟飽無關。母乳很容易消化和吸收，bb的胃也是還小，所以吃得密是正常的。