You are here討論區 / 早產及0 - 2 個月寶寶 / 擔心五夠奶水
擔心五夠奶水
dorothyfaye您好!
餵母乳的大原則是按嬰兒需要餵哺,這樣媽媽的身體會因為BB 的吸吮而知道BB 的食量,繼而按量分泌母乳,滿足BB 需要。
BB出院後,如Kay Jeong 媽媽所說,密密餵,加一點愛心和耐性去教BB 直接吸吮乳房,相信你和BB 好快會掌握要門,問題好快會解決。
BB 出院後,你可打電話預約屋企附近的健康院的母乳指導,姑娘會教你點餵奶。
希望幫到你。
哺乳圍巾,送禮自用皆宜,所有收益撥捐推廣母乳,歡迎選購。
我囡囡入左一星期了,我每日都只係泵三安俾佢,埋身要好耐 ,我怕過左鐘佢無得補奶。希望佢出黎會肯啜啦
我諗唔使太擔心嘅~
我 BB 出世時在產房餵過一次之後, 就入左 ICU 瞓左一星期. 最初幾日食唔到奶, 姑娘俾奶咀佢, 後期可以食奶, 姑娘用奶樽餵奶粉 (因為我當時一日泵5, 6次儲埋都唔夠1安).
其實 BB 肚餓就會食, 佢食得多時你嘅身體就自然製造多D. 我 BB 出院後就埋身餵, 最初每次都食成 45分鐘, 之後隔一兩個鐘又扭食... 我最初都以為自己唔夠奶, 擔心 BB 會餓親, 但原來初生 BB 個個都係咁上下 (就算食奶粉嘅都係), 因為初生又懶瞓, 食奶係慢D, 個胃又細, 食得密D. 而家我全人奶餵到 BB 13個月大喇!! 所以唔使擔心咁多, 最初出院可能要D時間適應下, 但之後 BB 會習慣埋身食奶, 同埋你身體都會調節到製造足夠奶俾佢食!
Cheer up~
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
我囡囡係醫院已經五日了,佢出世到而家只係啜過奶奶幾次,就無啜啦!我而家每日只係bum四次到,每次都係三安士左右,我好怕囡囡出院後無足夠奶水同怕佢五肯啜呀!我可以點做?