全泵奶媽轉做埋身, 點做好呢？

列印版本

bb 而家已經一個月零4日大, 初生時因各種問題而出入醫院一個禮拜, 慣左奶咀, 加上我乳頭平坦, 佢完全唔肯&唔識埋身. 只好繼續泵出來比bb 飲, 坐月時隔2-3小時泵一次; 而家已經儲了足夠冰奶... 如每隔3小時泵的話, 兩邊共可泵約 3-4安奶.隔5小時就最多泵到5-7安

但仍想試埋身, 所以每天都會用些時間比佢試下舔/含nipples, 直至前幾天, 接近滿月時, bb 忽然啜到over 30mins, 之前仲只係啜兩三啖就唔要... 不過, 只識食一邊乳房(多奶的) ,另一邊(少奶啲) 仲係含兩啖就lur

自此就想train 返佢埋身, 但我唔知佢啜得啱唔啱, 望過佢咀形應該正確, 但佢食時有啲"得得"聲, 啜幾下先吞一吞, 吞幾次停一停, 而且係平時吞一啖水/口水的聲, 人哋話啜得啱應有好似用樽吞奶的gu gu 的吞嚥聲,佢只係間中/ 開頭有咋...咁係咪啱呢？佢又啜到15- 30 分鐘, 但再補番泵奶比佢(60-90ml) , 佢又食得哂 (平時用樽食100-120ml), 而且我都幾夠奶, 佢啜完再泵仲有50-70ml, 都唔知佢係咪唔夠力啜, 所以啜得咁少？

而家仍跟番schedule 大約3小時一次, 每餐都係先埋身30分鐘, 再補泵奶比佢, 但有時佢唔肯飲番泵奶的話, 佢會2小時就醒; 而家滿左月, 其實可否直接轉做埋身feed on demand, 而唔補奶比佢呢？但過了坐月, 屋企只有我同bb, 唔知密番餵奶攪唔攪得掂啲家務.試了兩天埋身+泵奶, 計埋湊佢的時間, 只能勉強煮到午飯及洗少少bb 紗巾咋, 唔知係咪因為轉了餵奶模式, 佢呢兩日都瞓得唔冧, 同埋易忟憎

另外, 我覺得佢食唔清我一邊胸, 食完再泵都有好多, 係咪over supply 左？需要減少泵奶次數嗎？昨天試過連續兩餐比佢啜, 中間無泵走啲奶, 後來谷奶谷到痛, 都係要泵番走啲奶. 咁樣落去我驚好易乳腺炎﹗

很長, 希望不要介意﹗