You are here討論區 / 早產及0 - 2 個月寶寶 / 急！一邊埋身，另一邊泵，最多只能泵出20ml
急！一邊埋身，另一邊泵，最多只能泵出20ml
叻叻！
恭喜你啊！！！
繼續努力，加油！
祝你和寶寶都健康快樂，餵母乳愈來愈順利！
I am a mother of an apparently underweight girl.
Fed on the whole variety of food, she eats a lot and still loves to enjoy the breastfeeding time, although it is just a tiny proportion of her daily nutrition intake. ;-)
The best gift a mother can give her babies, in addition to unconditional love, is breast milk!
我的曳曳可以享受喝奶時和我親近的寶貴時光直到現在接近兩歲，你家的寶寶也可以！
好多謝各位義工媽媽既幫助，陪我捱過難捱既日子，令我對全母乳動搖既心堅定了。
我上個禮拜開始，20ml都照泵，泵完比阿仔即刻食埋，唔敢放雪櫃比奶奶見到，一日泵兩三次，埋身完再泵，阿仔食左奶粉個晚11點冇起身食奶，泵左三安，朝早5點都冇起身食，再泵左三安，即係我最少有三安貨啦！
今個禮拜都係埋身完再泵就有2安，試過阿仔瞓耐左泵就有4安，即係頻繁餵哺，哺完再泵，令我多左1安奶，而家雪櫃有啲冰奶，有啲雪奶存貨了。
我唔使諗補奶粉了，我呢個少奶媽都可以餵飽個仔！謝謝！
謝謝！
我仔7周了，仲未係好識笑黎回應，我聽人講bb食夠瞓夠自然開心笑，所以我擔心佢食唔夠飽瞓得唔穩，先至咁耐都唔識笑。
唉！
Tsuichiling您好!
增重睇磅數，不是睇生長線呀。身高體重，大多受遺傳主導，父母的身高以至幼時的生長過程也能影響BB 的生長速度，BB 有理想的增重，又健健康康的，是值得高興的事情呢！
BB 需要吸吮的三大理由﹕
1. 肚餓；
2. 口渴；
3. 安全感。
BB 已六星期大，一般而言，BB會在大約6個星期大時開始意識到外界的存在，會以笑容回應你，亦開始能分辨日夜。此時BB 會漸漸拉長睡覺的時間，作息也漸漸定時。未能作息定時的最常見原因就是「過度疲倦」，意思是BB 極之疲倦，錯過了最容易入睡的時刻，有可能如你說BB 扭計要人抱，其實BB 是想睡覺，你可以抱BB，拍下patpat，甚至餵奶來"暗" 佢瞓。
6個星期至3個月大的BB通常在睡醒後兩小時內就會感到疲倦。
BB安睡小貼士
1. 作息定時；
2. 養成睡前常規，例如﹕洗澡、聽音樂、食奶等；
3. 要細心觀察BB的精神狀態，在寶寶開始疲倦時，例如﹕他減慢活動節奏、手擦眼睛或打呵欠等 ，父母便要開始睡前常規，防止他因「過度疲倦」而不能入睡。
希望幫到你。
謝謝！
我仔重到，不過係最底個條線，原來唔係20%，係3%。醫生話正常，但係阿仔成日口mak mak, 有追食的表現，瞓得唔穩，食到瞓左之後，好快就醒，又喊過，所以佢除左夜晚瞓到幾個鐘之外，日頭瞓得好少。佢之前可以食完夜晚11、12點餐奶之後，瞓到4點先喊食，跟住再瞓到7點幾，我可以泵到奶。尋日佢食完12點餐奶之後，就3點、5點、7點、8點、10點幾咁食，我頂唔順，1點幾個餐用左雪櫃僅餘既4安奶比佢食，佢就瞓到4點幾先再起身，瞓得好穩，平時一個鐘到就喊、扭計，抱下就好啲。咁係咪即係平時佢食得唔夠飽呢？我係咪應該補奶粉？
Tsuichiling您好!
純母乳餵哺的BB，每個月有0.5KG 的增重，便代表BB 食到足夠的母乳，你的成績很好呢！
看來你已經挨過最辛苦的階段，BB 每兩個多小時便要食奶，是很常見的現象，不論大中小碼的BB，他們都會兩個多小時便嚷著要食奶，母乳易消化和吸收，所以要密密吃，頻繁餵奶也是個增奶量的最佳方法之一。
至於復工需要，可在早上餵奶時邊餵邊泵，因為晚上少餵夜奶後，早上便會谷奶，在這時泵奶便可收集到多一點的奶水。很多媽媽復工前也是靠積少成多方式儲奶，慢慢建立奶庫。慢慢來，不要擔心，擔心是會影響奶量的。
加油！
恭喜你奶量開始增加了！
希望情況會愈來愈好啊！
你說兒子第一次喝配方奶，就嘔奶了，那是不奇怪的。可能因為他不習慣用奶瓶喝奶，所以吸了‘風’（空氣）下肚，便嘔了。畢竟，埋身餵不會吸到風進去，奶瓶設計怎麼好都不會及得上媽媽的乳房好！下次（上班後）再給寶寶用奶瓶喝奶的時候，只好掃風掃得久一點，就應該可以避免的了，不用擔心。
謝謝你的回覆，原來豆漿等豆製品會減奶嗎？我前天喝了豆漿呢！不過飲左幾日青木瓜魚湯，今日飲章魚花生豬腳湯。呢兩日飲返炒米茶。
今天阿仔由上午10點餐奶開始，差不多無間斷喊餓，食左成個鐘，之後不到半小時就又要食，我一直埋身餵，左右咁交替，一直到4點幾先好啲，無得休息，奶頭又被啜到好痛，係入面乳腺痛呢！我諗係比阿仔揸乾揸淨了。
跟住仔瞓了一個鐘，又喊過，好肚餓咁，一路到7點幾，我埋身餵完仔都係餓，我又好累又好痛，頂唔住開左2安半奶粉比仔飲，佢好快就飲晒，我睇到喊，終於補左奶粉。跟住2個鐘又喊餓，我先安樂啲，唔係人奶令佢成日餓，奶粉都係。9點再埋身食左之後，我瞓到11點谷奶醒左，見仔未有
醒既跡象，就泵，竟然泵到成2安，雖然覺得未清，但唔係好泵到，於是沖完涼再泵多5分鐘，左右一齊今次泵到40ml, 加埋之前一共有90ml. 未試過泵到咁多。
跟住阿仔竟然瞓到剛剛凌晨4點先起身食奶。中間佢瞓瞓下嘔過幾次奶，未試過咁，唔知係咪腸胃唔係咁適應奶粉呢！
希望我係已經捱過猛長期啦！謝謝happy crazy的支持。
首先，我聽到你的情況，都很明白你這刻所面對的困難和擔憂。
關於你說的奶量，的確，聽起來比很多分享的媽媽少⋯⋯
我看到你上面有寫已經喝了很多水，也有努力爭取休息，看得出來你為了餵哺你的兒子已經非常努力了！我們都很支持你的！雖然很難做，可是第一步你要放鬆一點心情啊！因為‘壓力’和‘精神緊張’也會影響乳汁的分泌，很容易減少奶量的。
另外，我不知道你有沒有試過喝不同的湯水等等呢？
首先，要戒口的東西，包括雞精、豆腐、豆漿、豆奶（所有豆製品）、豬肝、鴿類等等都乖乖戒口了嗎？這些都會收奶的。
然後，很多人，包括姑娘一般都說喝‘魚湯’可以增加奶量，尤其是‘鮻螺魚’（不知道正字怎麼寫）。你可以試試去藥材舖買點‘木通’回來加進去一起煲湯，這是其中一個流行的藥方。另外，另一個說法是，魚湯太濕，產後不宜常喝，可以用木通配豬腳和花生煲湯喝，據說也是加奶的。如果還不行，我的中醫也建議直接去找相熟的中醫（怕尷尬可以找女醫師）去把脈看診，根據你體質‘執藥’幫助你上奶。還有就是你自己多喝奶‘過奶’給寶寶也是護士常建議的方法。
至於外敷的方法包括按摩乳房、熱敷毛巾（在餵奶和泵奶前）等等，你也試過嗎？
雖然這些都是很多人都知道的方法，可是也希望幫到你和你的寶寶！
另外就是，不用擔心，很多寶寶到了七、八周依然兩個鐘左右要吃一頓奶很正常，這樣的情況多的是，不要嚇自己徒添壓力。
不過，好像我那樣，放產假其間餵奶餵得非常好，奶水也多，無奈到復工就泵不到同樣份量的奶，迫不得已要補奶粉了。不過只要盡量堅持，奶的存量真的不夠到時候要補奶粉也不要介意了，盡了力就好！
你說寶寶在 bottom 20％，其實真的不用擔心。告訴你，我的寶寶現在一直都是 bottom 3 呢！可是剛過的 medical appointment， 打針前見過醫生，檢查過一切正常，發展也沒有落後，體重不是‘愈高愈好’呢！
所以，兒子體重的問題，先不用擔心，只要他吃得飽、睡得夠，那就不用擔心小寶寶的發育了！
記住，我們很多同路人跟你一起走這條路，多難行都有大家的支持呢！
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
最近開始聽醫生話一邊餵一邊泵，諗住泵大個奶量儲起準備返工後繼續全人奶，但問題來了，阿仔一邊食，另一邊泵，泵左兩、三日，最多只泵到20ml, 有時得10ml, 泵左出黎的奶，等阿仔埋身食完再餵比佢食埋，佢又好餓咁好快食晒，食完仲未飽咁係咁喊餓兼口mak mak, 再埋身又好似好肚餓咁狂食，仲有啲炆憎。仲有，而家已經6周，仲係個幾兩個鐘就要再食，仲成日好肚餓好可憐咁喊，我睇到喊左好多次，係咪我堅持唔補奶粉令bb長期捱餓？佢咁細隻又咁輕，係成長線最底20%，我睇到好心痛，今日仲攬住阿仔兩個一齊喊。
我睇好多資料，佢而家猛長期，好明顯而家唔夠食，我奶量又好似冇多到咁，我已經飲好多水，唔理夠兩個鐘未，總知餓就埋身，有精神就泵下，少上網爭取時間休息，但都係好少奶，見到其他媽媽有漏奶濕晒床單，泵到成個雪櫃都係冰奶，我就想喊，我究竟有冇餓親個仔？就黎返工了，冇奶儲到點算？