You are here討論區 / 早產及0 - 2 個月寶寶 / 似乎太多便便和尿尿

似乎太多便便和尿尿

2011/04/19/ - 09:57

5mA

Member: 351

Joined: 2009-04-17

列印版本

hi..我又回來了! 二年前餵大囡時多得各位義工的支持和指點,順利餵囡囡至歲半, 至又再懷孕才停止.現在細仔剛出世20日,也是全人奶的. 今次餵奶的過程順利很多了,至少不再對自己是否夠奶存有疑問,亦有信心可以做到全人奶了!不過,在照顧仔仔的過程亦有有些困惑,想請大家幫手解答下:
1) 我睇過其他媽咪的postS, 知道剛出生的bb每天有五至六片濕片, 5-6次大便便叫食奶食得ok. 但我個b每天濕片的數量遠遠高於這個數字, 先說尿尿...佢d片片機乎每半個鐘, 長則一個鐘便濕得好緊要, 而且機乎每次都有金黃色的便便,量或多或少...我留意過佢, 佢每隔半小時左右便會大力放一次屁,然後片片便有大便. 一個夜冕起碼要用5塊片,全日要用十幾近二十塊片. 好似好誇張喎!
2)佢剛出生頭兩個星期, 間中都會食到20分鐘奶, 然後睡三個小時. 但不知點解自籨呢個星期,最長只訓到個半小時, 而食奶次次食到5-8分鐘便停..食的過程好似好辛苦咁,氣羅氣喘咁. 我見佢成日食到咀邊流奶出來, 又好辛苦咁將個頭向後擰,似乎係我d奶出得太快,佢食唔切, 所以要避開咁.我應該點做呢? (我有時將個乳頭抽出時, d奶仲係咁"標", 射到個b一面都係...好誇張!)
3)個b最近要人抱住先肯訓. d老人家成日話唔好種壞, 應讓由得佢哭,否則以後便要一直抱了!但我見佢一放下床仔, 便一直喊一直喊...喊到聲撕力揭咁...聲都沙埋. 好唔忍心呀!每次佢喊我一比個乳房佢, 佢便會停(應該是有安全感...但佢唔一定會食架, 有時只是含住, 問中輕輕郁下個口. 有時就真係會食2-3分鐘).我應唔應該咁樣比佢食奶呢? (有時好密架,相隔不到半小時)

列印版本

2011/04/20/ - 12:03

CHEN MEI HUA

Member: 2116

Joined: 2011-04-12

我已有個大女3歲半,因為當時無經驗所以餵左幾日人奶就放棄左

我已有個大女3歲半,因為當時無經驗所以餵左幾日人奶就放棄左。3月9日剛生左細女。之前已plan左決心要餵人奶, 今次終於成功左, 好開心,之前所受既痛完全值得。but我就唔係全日埋身餵。中午及午夜後就pump出黎比工人餵(因為大女超唔like亞妹)。其實到家下都唔係好夠人奶,只pump到100ml(2邊加埋)。but去健康院磅重時, 唔錯wor, 居然由佢出世6.6磅增加到9.5磅, 姑娘都讚我,所以我決心餵到幾耐得幾耐。講番你既問題, 我細女開頭2星期都係甘ka,食得密就有好多"便便", 我問過朋友, 佢話因為人奶開頭出果d叫前奶,係透明既,有助消化ka, 之後出果d就係合脂肪既,所以會飽肚。我朋友叫我可以pump走d前奶, but我就覺得可以睇定d, 覺得2兩樣都重要,最後真係攪掂左, 家下一日有4-5次"便便"
人奶真係very good, 係上天比既原始食物，所以大家一齊努力呀!

2011/04/20/ - 11:57

5mA

Member: 351

Joined: 2009-04-17

多謝大家既回應

2011/04/20/ - 11:17

nikitac

Member: 4

Joined: 2008-03-13

5mA您好！恭喜你呀！咁快就餵第二胎了！大小便多即是B

5mA您好！

恭喜你呀！咁快就餵第二胎了！

大小便多即是BB 食了很多奶，有多多的input 才有多多的output 呢。便便有小白點或渣，是正常的便便，可不用擔心了。

看來是奶水噴得太急令BB 吞唔切，解決方法有不要等到BB 好肚餓才餵奶，太肚餓食奶BB 狼吞虎咽會令噴奶反應加劇；
不要限制BB 吸吮時間，讓BB 自己離口；
換餵奶方法也可降低噴奶反應，例如你挨後，讓BB 伏在心口食奶，地心吸力可令奶噴得無咁急；
每次餵奶只餵一邊；下次才餵另一邊，減少刺激，令奶量略為減少。
這些方法可能要等幾日才見效，若然情況持續，可帶BB回健康院看看是否食奶姿勢不正確所致。

初生BB 要大人抱住瞓是很常見的，BB 在媽媽肚內溫暖，而大人的懷抱也是既溫暖又有安全感。經驗讓我知道，抱BB 可讓BB 感受到大人的愛，而且看到BB 大哭也不理會，於心何忍？不妨多抱BB 吧，轉眼間長大就無現在咁好抱了。

BB 需要吸吮的三大理由﹕
1. 肚子餓；
2. 口渴；
3. 安全感。

餵母乳的大原則是按嬰兒需要餵哺，所以無論是生理或是心理的需要，媽媽都可用母乳來安撫BB，而這些需要，都會隨著BB長大而減少。

希望幫到你。