有無方法再有番人奶

doraemonwing815,

1) 好多人在完全停止餵奶後,過了一段時間,用手擠奶都有機會再擠得出少許奶水.
2) 要媽媽上奶既訊息,主要黎自乳液排清這訊號,我地腦下垂就會釋出荷爾蒙去造奶.這是一個天生哺乳類動物,身體構造的奇妙之處.如以外物刺激,效果未必每人一樣.
3) 現時的藥物與合成食品充斥,其驗證報告/成效參差不一,甚至副作用亦未必完全如佢地咁講既安全.銷費者在選用時要格外小心.

sorry ar..咁遲先再回覆, 之前睇完你咁講, 我諗左好耐,又同老公,屋企人商量過, 佢地個個都唔贊成我食藥催人奶, 話晒我都停左人奶成3個半月......

不過我最近一直都有留意我個乳房仲有無人奶, 每日得閒就試下express人奶, express幾下就有少少奶出,唔多, 都係一兩滴, 兩邊乳房都有。 開頭個幾日express出黎既人奶都係偏黃色, 不過呢幾日就開始白色d~
我想知道個d奶究竟係我之前斷奶之前,殘留係個乳房入面的奶or我仲未完完全全斷晒奶呢??

如果我決定食藥催奶, 個d藥有無side effects嫁?會唔會增加患上乳癌的機會嫁??

thanks thanks ><"

其實，餵人奶的ｂｂ都有可能有濕疹的。因為引起濕疹或皮膚過敏的東西有很多很多，而食物係致敏元之一。與奶粉相比，引起過敏的機會確是較少。
如果ｂｂ肯埋身食奶，最好讓他埋身吸食，咁對上奶剌激會好ｄ。若ｂｂ已經適應了奶瓶，媽媽可能要學識手擠奶／泵奶，以通知乳房要多造點奶。只要乳房有著持續的訊息，就會多造點奶了。
但由於已停餵一段時間，現在再重新開始適應去餵人奶，不論妳或ｂｂ需要付出的精神與努力都要比起初的時候再要多ｄ，要有此心理準備。