科學館, 文化中心, 太空館

列印版本

科學館, 最底層厠所附近有間育嬰室,
寬敞, 清潔, 設備齊全, 十分好,
平時係鎖住既, 不遠處有位女職員, 可以請佢開門,
我去果日果位女職員態度好好架, 好樂意幫忙,
餵奶位置係一張單人梳化, 無屏風或間隔,
所以入去餵奶一鎖門, 就成間育嬰室鎖晒~
(另, 女厠有一張換片檯面)

－－－

文化中心, 女厠附近有間育嬰室,
正所謂豆腐潤咁細, 抱住 BB 入去幾乎轉唔到身關門,
餵奶位置係一張 "從牆壁摺塊板落黎" 果種椅, 好細塊,
我當日冇用到, 不過睇落都覺得唔好坐~

－－－

太空館, 問下詢問處職員,
佢二話不說, 就打電話去辦公室請同事預備,
然後請同事帶我搭員工"車立"上二樓,
比我用佢地辦公室既圖書館餵奶,
椅有靠背有扶手, 有會議室果種檯, 不過就冇洗手設備,
(走廊盡頭有飲水機)
我出入同D職員打招呼, 佢地都客客氣氣, 都樂意幫忙架~