You are here討論區 / 早產及0 - 2 個月寶寶 / 餵奶時間每次都好長, 一日唔夠10-12次啊! 點算?
餵奶時間每次都好長, 一日唔夠10-12次啊! 點算?
而家BB既食奶情況好D了嗎?祝妳BB越來越可愛,妳自己的奶量又"水頭充足"!
好多時,因為餵人奶的媽媽們甚至家中其他照顧者,對餵母乳的技巧與BB習性不太了解,以為BB好瞓就由得佢瞓,就係咁BB食得少,又重得差,返到健康院姑娘一話重磅差,媽媽及家人都好擔心.於是,醫生護士在媽媽出院時,都會提醒妳們要餵得好頻密,同時要留意BB濕片既數量.
而初生BB 大多都好懶瞓,不過,如果佢地既濕片達標,咁都表示佢地食到既奶量吾少.
初為人父母,好多事情都要學習,新生BB都係,大家要耐心點去了解,去適應這身份和環境的轉變啊!
餵人奶唔係可以咁數化的，我哋要FEED ON DEMAND，因此每一PAIR的媽媽同BB都會唔同，唔可以硬性話每次要餵30分鐘、每日要10-12次。
睇你話BB每日都有6-7次濕片，而日間佢食完又可以2-3小時後先至再食....咁其實似乎佢係夠食的。(對我黎講食成個鐘一D都唔奇，我個囝細的時候日日都係咁的，可能佢係食得"他條"D啫。)
至於夜晚點解會成日索食，其實你要明白BB索食，唔係單單為咗填肚，仲係安全感的來源，所以佢成日索食，你千祈唔好懷疑自己的奶唔夠BB食、令BB唔夠飽，佢往往只係想要人抱住佢而已。(我聽我阿媽講，雖然我細個食奶粉，咪又係晚晚要爸爸抱住瞓天光，所以根本唔關夠唔夠飽的事。)
至於增磅問題，其實人奶B每月增重0.5KG已經係理想架啦...千萬唔好麻目追求要幫個B升呢(如由細碼B變中碼B等)。
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我BB剛一星期大~
頭兩三日, 因為技巧問題, 佢整損左乳頭, 佢唔係好吸到奶.
之後去左母嬰院, 姑娘教曉左就OK.
由於要同佢增磅, 姑娘話一日要10-12次.
但係問題來啦, 姑娘話, 每次兩邊總共30mins就得. 又要佢全程都醒住落力吸.
每2-3小時餵一次.
但係現實係, 佢每次都哂成個鐘. 過程我已不斷叫佢醒住, 佢都有不停甘吸. 但係到佢肯自動鬆口, 表現滿足(姑娘話食飽的表現), 已係成個鐘之後的事.
由於每餐都食好耐, 所以一日就多食到8次. 做唔到10-12次. 點算??
日頭的開餐時間都算正常, 食完訓2-3小時, 佢會自然醒, 就再食.
一到夜晚就不得了.
好似餵極都唔飽. 呢頭餵完, 幾個字之後又吵要食.
成日搞到6,7點先真係訓到.
之後一訓就4-5小時先醒來食. 想叫佢, 又好難叫醒. 我媽又話bb就好自然醒, 甘佢會舒服0的, 胃口又會好0的~~
唉...help!! 到底甘餵法有無問題?
佢大小便都好正常, 小便有6-7次. 大便都有2-3次.
另外, 到底熟睡中的bb, 好唔好叫醒佢食奶/沖涼???