海洋公園內的商店竟然出售奶粉，而且園內育嬰室指示欠缺清晰位置又偏遠，大家有何意見呀？

早在2年前, 我已經試過係海洋公園餵囡囡食奶奶. 佢係用醫療室作為餵奶室. 不過分佈的地方唔多, 大約4-5個, 我就經常去威威劇場後的醫療室, 又有洗手間. 近數個月, 都有帶囡囡去醫療室餵奶, 情況同2年前一樣, 感覺無進步。

好開心，係餵奶的路上給我好多次唔同的機會，有單胎，有孖胎，有順利，有麻煩，有全埋身，有全泵，令我可以能體會到不同奶媽的辛酸。

第一胎，餵到囡囡三歲，在三歲生日那天自然離乳。第二胎係龍鳳胎，初頭５個月係一齊餵的全埋身，但返了工後，細孖唔要埋身，只好轉全泵，又係另一種的體驗。唔知第二胎可以餵到幾耐。

同大家一齊努力！！

上個月去過，喺摩天輪旁邊樓梯落去，行到中間有廁所，（即過山車旁），殘廁入面有換片枱，而旁邊急救站門口貼住個標誌，似媽媽抱住BB餵奶圖案，疑似可以入去餵奶，但只有圖案無字寫住係餵哺室，因為依家已經唔駛刻意搵餵奶室餵奶所以無去問清楚

我舊年去過，抱住阿女走來走去都搵唔到，問職員淨係答前面丫，結果原來在山腰一個好靜既地方，如果當時唔係咁凍，相信我都會搵張長櫈就地比阿女開餐

香港現時沒有政策管制奶粉銷售地點，所以連書店也會賣日本奶粉謀利。

我倒是比較關心園內育嬰室的位置和設施，若是將來有機會去海洋公園，也想親眼觀察。

如果將來有媽媽去過，最好能在這裡講講經歷。

哺乳圍巾，送禮自用皆宜，所有收益撥捐推廣母乳，歡迎選購。