濕疹令BB睡眠質素不好?

BTW, 你同佢保濕時, 可以試下唔好搽CREAM, 改為搽EO, Emulsifying Ointment(俗稱「豬油膏」), 普通藥房都可以買到架. 但唔好就咁搽, 要"了"一舊出黎, 用另一個盒仔裝住, 逐少咁加入熱水搞溶佢, 搞到個feel好似cream狀, 就可以搽喇.
係個兒科皮膚科醫生教的, 平時沖涼就可以直接用佢黎代替沐浴露, 好似番皂咁用, 好潤架, 好似塗左一層油上BB個身上咁. 沖完涼後就用果盒溝水開成既cream狀豬油膏幫佢搽勻全身及面. 我初時都覺得會唔會太油呀, 但隔一陣就會吸收晒, 跟住就只會潤而不膩, 好正, 又平又好用.
我囡睇呢個醫生之前都係聽其他醫生講用Aqueous Cream沖涼同搽身的, 但都無改善. 用左豬油膏之後, 我覺得應該係Aqueous Cream好快會乾身, 同埋佢水份多, 會帶走埋皮膚上面既水份, 而豬油膏就主要係軟膏, 搽完好似層膜咁保護住皮膚. 不過以前都試過用凡士林, 但就覺得凡士林比較油膩, 好似等好耐都索唔晒咁.
好似好長篇, 但希望D用後心得可以對你/其他媽媽有用啦
^^

我想講關於媽咪戒口既問題. 我囡之前都有濕疹好幾個月, 啱啱先睇個醫生好返, 個醫生係兒科+皮膚科的. 佢話我地餵人奶既, 千祈唔好自己隨便戒口, 因為咁樣好易會營養唔均衡架. 如果試過某樣食物後敏感, 就算停左一段短日子, 都要再試返, 因為有時未必係因為果種食物而引起架.
佢話其實多數(普通的)既濕疹都唔係由食物而引起敏感既, 主要都係皮膚太乾, 引致皮膚損晒, 跟住就好易受細菌感染, 所以先會發炎而痕, 一個惡性循環.
我果時去健康院檢查, 姑娘都話會唔會係我食牛肉/雞蛋搞到個囡咁, 咁我咪停食兩個星期囉, 但停食時, 我囡塊面一樣咁差, 所以我後都食返. 到最近睇個醫生, 佢就話我咁做係啱, 話千祈唔好自己戒食, 會好影響BB既營養吸收.
仲話BB自己食牛肉, 對皮膚係好有營養架Tim.
萬一真係發現某D食物媽咪食左之後對BB有過敏, 最好都係由醫生話唔好食先戒了.
^^

我個BB13個月大了，都好少會睡過一晚。但佢無濕疹，我估個個BB不同嘅，睡眠嘅野未必關皮膚事。旦黃食得架，我個B試過旦白敏感，但旦黃佢照食無問題噃
多餵人奶，會減輕敏感症狀架！

teresa

蛋黃冇咁易敏感, 蛋白先至易敏感,
蛋黃可以由 1/8 個開始, 試下冇問題, 就增加至 1/4 個,
循序漸進, 頂多每日一個~

Dear Nikitac,

現在那些部份看上去沒有濕疹, 但在1月前在有關部位有看到濕疹,
後來我停吃燕窩就見好轉了. 但不知何現在看不到, 但總在想睡時會R來R去.

另請問, 是否可以給BB試吃蛋黃? 因為健康院說要開始給BB 吃不同的食物了,
老人家都說要1星期最少吃2~3次蛋黃, 我怕BB會敏感.
謝謝!

IRENE CHONG您好！

會不會時太痕所以要不停R？那些部位有沒有濕疹？有時天氣太乾燥或太熱有汗，會令BB 唔舒服不停R 痕。患有濕疹的BB，食母乳是最佳的防範。

因每個BB濕疹的致敏源及病情不一，媽媽有沒有需要戒口，要視乎BB濕疹的嚴重程度，按戒口次序先戒海鮮、牛、蛋類、辛辣。

之外要注意BB 皮膚保濕、環境衛生及塵暪、如密洗被鋪、窗簾或布藝傢俱可減輕病情。

如有問題，請即向兒科或皮膚科醫生求醫。

哺乳圍巾，送禮自用皆宜，所有收益撥捐推廣母乳，歡迎選購。